- सात शाळकरी अल्पवयीन मुलींचा विनयभंग
- शिक्षकास अटक...
- जिवती तालुक्यातील हिरापूर येथील जिप शाळेतील प्रकार
धनराजसिंह शेखावत - आमचा विदर्भ प्रतिनिधी
गडचांदूर -
पेपर तपासण्याच्या बहाण्याने कार्यालयात बोलावून मुलींची छेड काढणाऱ्या शिक्षकाला पोलिसांनी अटक केली आहे. जिवती तालुक्यातील हिरापूर येथील जिल्हा परिषद प्राथमिक शाळेतील शिक्षक ए. के. राठोड 49 असे आरोपित शिक्षकाचे नाव आहे. मिळालेल्या माहितीनुसार सदर शिक्षक पेपर तपासण्याच्या बहाण्याने विद्यार्थिनींना कार्यालयात बोलावून छातीला कुरावळणे व छातीला हात लावणे, तोंड लावणे असा प्रकार मागील एक वर्षांपासून करीत होता. याच प्रकारचे कृत्य शाळेत शिकणाऱ्या इतर सहा मुलींसोबत केल्याचे तक्रारीत नमुद आहे. मुलींचा तक्रारीवरून जिवती पोलीस स्टेशन मध्ये तक्रार करण्यात आली असून पोलिसांनी अपराध क्र. 35/2022 नुसार भादंवि कलम 354(अ), 376(अ) 376(2)(एन) सह बाल लैंगिक अपराध संरक्षण कायद्याच्या कलम 4, 6, 8,12 अन्वये गुन्हा दाखल केला असून आरोपी शिक्षकाला अटक केली आहे. समोरील तपास अप्पर पोलीस अधीक्षक अतुल कुलकर्णी, उपविभागीय पोलीस अधिकारी राजा पवार यांच्या मार्गदर्शनात, गडचांदुर येथील बाल अत्याचार प्रतिबंध विभागाच्या महिला पोलिस उपनिरीक्षक निशा खोब्रागडे यांच्या नेतृत्वात पोलीस करीत आहे.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.