राजुरा वन परिक्षेत्रात जागतिक वनदिन साजरा

• राजुरा वन परिक्षेत्रात जागतिक वनदिन साजरा

आमचा विदर्भ - ब्युरो रिपोर्ट्स

राजुरा -

जंगलांबाबत आस्था आणि जंगलतोडीमुळे होणाऱ्या हवामानातील बदलांबद्दल चिंता वाटत असणाऱ्या सर्वांना जागतिक पातळीवर व्यासपीठ मिळावे, हा वनदिन साजरा करण्यामागचा उद्देश आहे. बदलत्या हवामानावर भविष्यात उपाययोजना करताना आणि धोरण ठरवताना जंगलांबाबत योग्य विचार होत असल्याची खात्री या मंचावरून एकत्रितपणे करता येईल. यासाठी वन दिवस साजरा केला जातो. त्यानुसार, राजुरा परिक्षेत्रात जागतिक वनदिन साजरा करण्यात आला. वनपरिक्षेत्र कार्यालयात व राजुरा परिसरात ठिकठिकाणी बॅनर लावण्यात आले. जागतिक वनदिनानिमित्त राजुरा परिक्षेत्रात शिवाजी विद्यालय, राजुरा येथिल शालेय विद्यार्थी, शिक्षकवृंद यांच्या समवेत राजुरा वनपरिक्षेत्र कार्यालयापासुन राजुरा शहराच्या मुख्य रस्त्याने जोगापुर गेट पर्यंत मोटार सायकल व सायकल रॅली काढण्यात आली. त्यानंतर विद्यार्थ्यांना जोगापुर गेट ते जोगापुर मंदिर 8 किमी अंतरापर्यंत वनभ्रमंती व जंगल सफारी करण्यात आली. तसेच जोगापुर मंदिर परिसरात उपविभागीय वनअधिकारी ए.बि.गर्कल, वनपरिक्षेत्र अधिकारी विदेशकुमार गलगट, शिवाजी विद्यालयचे शिक्षक विरुटकर सर यांनी आपले मनोगतातुन विद्यार्थ्यांना वन व वन्यजिवाबाबत मार्गदर्शन करण्यात येवुन वन व वन्यजिवाविषयी जनजागृती करत विद्यार्थ्यांना वन व वन्यजीवांचे महत्व पटवुन दिले. सदर कार्यक्रमास राजुरा वनपरिक्षेत्रातील सर्व क्षेत्रीय कर्मचारी उपस्थित होते. त्यानंतर विद्यार्थ्यांना अल्पोपहार देवुन कार्यक्रमाची सांगता करण्यात आली.