नपच्या करावर लावण्यात आलेला २% दंड रद्द करा

• नपच्या करावर लावण्यात आलेला २% दंड रद्द करा
• विरोधी नगरसेवक अरविंद डोहे यांची नगराध्यक्षांकडे मागणी

धनराजसिंह शेखावत - आमचा विदर्भ प्रतिनिधी

गडचांदूर -

संपूर्ण देशात मागील दोन वर्षा पासून कोरोनाने हाहाकार माचवलेला आहे. शासनाला शेवटी कोरोना आटोक्यात आणण्याकरिता संपूर्ण देशात लॉक डाऊन लावावे लागले. त्यात शेतकरी, मजूर, लहान मोठे व्यापारी सर्वांचे रोजगार ठप्प झाले होते. अश्या परिस्थितीत सर्वांची आर्थिक परिस्थिती ढासळली. बरेच लोक कर्जबाजारी झाले. त्याच दरम्यान बरेच लोक नगर परिषदेचा मालमत्ता कर (टॅक्स) सुद्धा भरू शकले नाही. या दरम्यान अनेक सामाजिक संस्थांनी तसेच विविध पक्षांनी सर्वोतोपरी मदत केली. त्याच प्रमाणे नगर परिषद कडून किमान बीपीएल धारकांचे कर (टॅक्स) माफ करण्याची मागणी नगर परिषद चे विरोधी नगरसेवक अरविंद डोहे यांनी नगराध्यक्ष यांना पत्राद्वारे केली आहे.

मात्र या पात्राची नगराध्यक्षांनी त्याकुठलीही दखल घेतली तर नाही उलट सरसकट सर्वांना थकलेल्या मालमत्ता करावर प्रति माह २% दंड वसूल करण्याचा निर्णय सभागृहात घेतला. हा पूर्णपणे चुकीचा असून लोकांना धडकी सोडणारा आहे. आताच कोरोनातून कसेबसे बाहेर पडत असून हा लावलेला २% दंड हा आर्थिक बजेट बिघडविणारा आहे. अशा या निर्णयामुळे आमजनतेत नगर परिषद विषयी असंतोष पसरत असून सदरचा दंड रद्द करण्याचा विषय तात्काळ सभेला घेऊन रद्द करण्याची मागणी भाजपचे विरोधी नगरसेवक अरविंद डोहे यांनी केली असून याकडे नगराध्यक्ष काय निर्णय घेतील याकडे जनतेचे लक्ष लागले आहे.