"त्या" चालकाच्या कुटुंबियांना वेकोलिच्या माध्यमातून ट्रान्सपोर्ट कंपनीकडून १० लाखाची मदत

• "त्या" चालकाच्या कुटुंबियांना वेकोलिच्या माध्यमातून ट्रान्सपोर्ट कंपनीकडून १० लाखाची मदत 
• अँड प्रशांत घरोटे व जिप सभापती सुनील उरकुडे यांच्या प्रयत्नांना यश

विरेंद्र पुणेकर - आमचा विदर्भ प्रतिनिधी

राजुरा -

वेकोलिच्या बल्लारपूर क्षेत्रा अंतर्गत येणाऱ्या पोवनी कोळसा खाणीच्या चेक पोस्ट क्रमांक दोन येथे ट्रक चालक लहू फटाले ट्रक तपासणी करित असतांना तेथील उच्च विद्यत दाबाच्या विजेच्या ताराला स्पर्श झाल्याने त्याच्या जागीच मृत्यू झाला होता. सदर घटना बुधवारी 9 तारखेला रात्री 11 वाजताच्या सुमारास घडलील. पोवनी कोळसा खाणीच्या चेक पोस्ट वर सुरक्षा रक्षकाच्या म्हणण्यानुसार ट्रक चालक ट्रकचा जॅक उचलताच वर असलेल्या उच्च विद्युत दाबाच्या विजेच्या तारांना स्पर्श वाहन चालकाला झाला. या घटनेनंतर येथे एकच खळबळ उडाली. दरम्यान रुग्णवाहिकेतून प्रेत नेत असतांना इतर चालकांनी व कुटुंबीयांनी आर्थिक मदतीची मागणी केली. शेवटी वेकोलीच्या अधिकाऱ्यांनी लिखित स्वरूपात आर्थिक मदत देण्याचे आश्वासन दिल्याने तणाव निवळला होता. तेव्हा पोवनी उपक्षेत्रीय व्यवस्थापक एकंबरम, खान व्यवस्थापक सोळंकी, सास्ती पोलीस चौकीचे पीएसआय साखरे, ट्रान्सपोर्ट कंपनीचे व्यवस्थापक यांनी सहकार्य करण्याचे आश्वासन दिले होते. आर्थिक मदतीसाठी प्रकल्पग्रस्तांच्या समस्येकरिता संघर्ष करणारे अँड. इंजि. प्रशांत घरोटे यांनी वेकोलि प्रशासन, वेकोलि मुख्यमहप्राबंधक, उपक्षेत्रीय व्यवस्थापक पोवनी उपक्षेत्र यांचेशी वारंवार वाटाघाटी व पाठपुरावा केल्यानंतर व्यवस्थापकाकडून दि. ११ फेब्रुवारीला 10 लाख रुपयांचा धनादेश आप्तेष्टांच्या उपस्थितीत मृतक लहू फटाले यांचे पत्नीला मुख्य महाप्रबंधक कार्यलयात देण्यात आला. या आगोदर अंत्यविधीसाठी 50 हजार रुपये देण्यात आले होते. यावेळी अँड. प्रशांत घरोटे, जिप सदस्य सुनील उरकुडे, रत्नाकर पायपरे, राजकुमार भोगा, सचिन गोरे, संदीप वैरागडे, अर्जुन पायपरे, मृतक फटाले कुटुंबियांचे नातेवाईक, साखरी, चिंचोली, सास्ती येथील अन्य नागरिक, वेकोलि अधिकारी रामकृष्ण रेड्डी, पोवनी कार्मिक प्रबंधक बिल्ला, ट्रान्सपोर्ट कंपनीचे संचालक निषाद उपस्थित होते.