- संत सेवालाल महाराज जयंती उत्साहात साजरी
धनराजसिंह शेखावत - आमचा विदर्भ प्रतिनिधी
कोरपना -
नांदाफाटा परिसरतील बंजारा समाजाच्या वतीने संत सेवालाल महाराज यांची जयंती मोठ्या उत्साहात साजरी करण्यात आली. यावेळी नांदाफाटा येथे मिरवणूक काढण्यात आली. नांदा फाटा येथिल रहिवासी काशीनाथ शेरे आणि बंजारा समाजाच्या वतीने बांधकाम करण्यात आलेल्या बिबी रामनगर येथील दुर्गा माता मंदिरात सदर कार्यक्रम पार पडला. यावेळी गोर सिकवाडी समितीचे नागपूर विभागाचे सहसंयोजक गोविंद पवार, महाराष्ट्राचे सहसंयोजक विनोद चव्हाण, नागपूरचे संयोजक विनायक राठोड, उमेश आडे, माधव पवार, सुदर्शन राठोड इत्यादी मंडळींनी समाजाला मार्गदर्शन केले. बिबी ग्रामपंचायतचे माजी उपसरपंच प्रा. आशिष देरकर यांनी यावेळी बंजारा समाजबांधवांना मार्गदर्शन केले.
यावेळी बंजारा समाजातील सैन्यात दाखल झालेल्या ब्रह्मा चव्हाण यांचा समाजाच्या वतीने सत्कार करण्यात आला. गोरसेना मंडळ नांदाफाटा, बिबी व आवारपूरचे पदाधिकारी नागेश रत्ने, काशिनाथ शेरे, विनोद राठोड, मनोहर चव्हाण, पंडित आडे, गोपीचंद आडे, शंकर रत्ने व इतर पदाधिकाऱ्यांनी कार्यक्रमाच्या यशस्वितेकरिता सहकार्य केले. यावेळी बंजारा बांधव मोठ्या संख्येने उपस्थित होते.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.