बंद पडलेल्या स्ट्रीटलाइट पुन्हा सुरू करण्याचे काम वेगाने सुरु

• बंद पडलेल्या स्ट्रीटलाइट पुन्हा सुरू करण्याचे काम वेगाने सुरु
• भाजयुमो तालुकाध्यक्ष रोहन काकडे यांच्या मागणीला यश

धनराजसिंह शेखावत - आमचा विदर्भ प्रतिनिधी

गडचांदूर -

गडचांदूर शहराच्या सर्वांगीण विकास व शोभेकरिता शहरातील मुख्य मार्गावरील दुभाजकावर नगर परिषदेच्या माध्यमातून नगर परिषदेच्या माध्यमातून स्ट्रीट लाईट लावण्यात आले होते. निश्चितच यामुळे शहराच्या शोभेत भर पडल्याचे पहावयास मिळत होते, परंतु कालांतराने त्याच्या देखभाल व दुरुस्ती कडे नगरपरिषदेने दुर्लक्ष केल्याचे चित्र समोर आले व त्यातील बरेच स्ट्रीट लाईट बंद असल्याचे पाहावयास मिळत होते. करिता भाजयुमो तालुका अध्यक्ष रोहन काकडे यांनी मुख्याधिकारी नगरपरिषद गडचांदूर यांना निवेदन देऊन तात्काळ स्ट्रीट लाइट सुरू करून शहराला गतवैभव प्राप्त करून देण्याबाबत अवगत केले.  मुख्य अधिकाऱ्यांनी तात्काळ दखल घेऊन सदर बंद स्ट्रीटलाइट पुन्हा सुरू करण्याच्या कामाला गती दिली. त्याबद्दल त्यांनी मुख्याधिकारी चे आभार मानले व त्याप्रमाणे मार्गावरील दुरगाव या वाहनावरील प्रश्न लवकरच मार्गी लागेल अशी आशा व्यक्त केली.