राजुरा-गडचांदूर मार्गावर अपघात

• राजुरा-गडचांदूर मार्गावर अपघात
• अज्ञात वाहनाच्या धडकेत दोन चुलत भावांचा जागीच मृत्यू

आमचा विदर्भ - ब्युरो रिपोर्ट्स

राजुरा -

गडचांदूर-राजुरा राज्य महामार्गावर रामपूर जवळ सास्ती ती पॉईंट जवळील रेल्वे पुलियाजवळ दि. 25 जानेवारी ला सायंकाळी ८ वाजताच्या दरम्यान आर्वीकडे जात असलेल्या मोटरसाईकलला अज्ञात वाहनाने धडक दिल्याने दोन मोटरसाईकलस्वार जागीच ठार झाले. यामुळे घटनास्थळी तणावाची परिस्थिती निर्माण झाली आहे.

आर्वी येथील राकेश दौलत तोडासे वय 25 व हनुमंत बापुजी तोडासे वय 30 हे कामानिमित्य राजुरा येथे आले होते. काम करून मोटारसायकल क्रमांक MH-34-CA-4576 ने परत घरी जात असताना अज्ञात वाहनाने रामपूर जवळील रेल्वे पुलियाजवळ धडक दिल्याने मोटरसाईकलस्वार जागीच ठार झाले. दोघेही सख्खे चुलत भाऊ आहे. या घटनेमुळे आर्वी गावात शोककळा पसरली आहे.

रामपूर-पोवणी-साखरी व राजुरा-आर्वी या मार्गावर रात्रंदिवस वेकोलीची कोळसा वाहतूक सुरू राहते. कोळसा वाहतुकीमुळे पहिलेच रस्त्याचे तीन तेरा वाजले आहे. वाहनधारकांना वाहन कोणत्या बाजूने टाकावे असा प्रश्न पडत असतो. मात्र बांधकाम विभाग व वेकोली प्रशासन याकडे लक्ष देत नसल्याने नेहमी अपघाताची मालिका सुरू असून यात अनेकांना आपले प्राण गमवावे लागले आहे. रस्त्याची दयनावास्था असताना याकडे संबंधित विभाग लक्ष देत नसल्याने सामान्य नागरिकांना यात जीव गमवावा लागत आहे. पोलिसांनी भारतीय दंड संहिता 1860  कलम 279, 304-A मोटार वाहन अधिनियम 134B अन्वये गुन्हा केला असून समोरील तपास पोलीस करीत आहे.