जेष्ठांना सन्मानपुर्णक वागणूक देने युवकांचे कर्तव्य - सुदर्शन निमकर

• जेष्ठांना सन्मानपुर्णक वागणूक देने युवकांचे कर्तव्य - सुदर्शन निमकर
• ८९ व्या वर्षी सीताराम तुमराम यांचा कृतज्ञता सोहळा

आमचा विदर्भ - ब्युरो रिपोर्ट्स

राजुरा -

म्हातारपण हे देवाने माणसाला बहाल केलेले दुसरे बालपण आहे. बहुतांश वेळा हे मनाला पटते देखील; लहान मुलांना जसे हवेहवेसे वाटतात तसेच वृद्धांनाही ते प्रिय असतात. काहीवेळा जबाबदारी कमी झाल्यामुळे विरंगुळा म्हणून वृध्द लोक मजेशीर गोष्टींत रमून जातात. मनुष्याचा वृद्धापकाळ हा नेहमी समाधानी आणि आनंदपूर्ण असायला हवा. त्यासाठी सामाजिक आणि कौटुंबिक सहाय्य त्यांना लाभले पाहिजे जेणेकरून शेवटची काही वर्षे त्यांना परमानंद मिळू शकेल. असा उदात्त हेतू लक्षात घेऊन तरुणपिढीने जेष्ठांना सन्मानयुक्त जगवणे गरजेचे असल्याचे मत माजी आमदार सुदर्शन निमकर यांनी गोविंदपूर येथील सीताराम तुमराम यांच्या ८० व्या वाढदिवसानिमित्य आयोजित कृतज्ञता सोहळ्याप्रसंगी व्यक्त केले.

गोविंदपूर येथील मूळ निवासी व कोरपना येथे वास्तव्यास असलेले सीताराम गोदरुजी तुमराम यांचा 80 वा वाढदिवस नववर्षाच्या पहिल्या दिवशी १ जानेवारी २०२२ होता. या शुभदिवसाचे औचित्य साधून त्यांचा मुलगा शिक्षक शत्रुघन तुमराम यांनी नातेवाईक, मित्रपरिवाराच्या उपस्थितीत मोठ्या उत्साहात वाडीलांचा कृतधन्यता सोहळा साजरा केला. 

या कार्यक्रमाला आदिवासी समाजाशी जुळलेले माजी आमदार सुदर्शन निमकर यांनी सीताराम तुमराम यांचा शाल श्रीफळ व पुष्पगुच्छ देऊन सत्कार केला. याप्रसंगी विदर्भ माध्यमिक शिक्षक संघाचे जिल्हाध्यक्ष केशव ठाकरे, कोरपना तालुका ज्येष्ठ नागरिक संघाचे अध्यक्ष उत्तमराव मोहितकर, नपं कोरपणाचे माजी नगरसेवक अमोल आसेकर, शासकिय अर्धशासकीय सेवकांची पतसंस्था राजुरा चे मानद सचिव कैलास मैहस्के, मुख्याध्यापक विजय मसे, केंद्रप्रमुख एस.बी. चंदनखेडे, तलांडे गुरुजी, सोयाम गुरुजी व समाजबांधव उपस्थित होता.