ॲड यादवराव धोटे महाविद्यालयात क्रांतीज्योती सावित्रीबाई फुले जयंती साजरी

• ॲड यादवराव धोटे महाविद्यालयात क्रांतीज्योती सावित्रीमाई फुले जयंती साजरी

आमचा विदर्भ - ब्युरो रिपोर्ट्स

राजुरा -

ॲड यादवराव धोटे मेमोरियल सोसायटी राजुरा द्वारा संचालित ॲड यादवराव धोटे महाविद्यालय येथे स्त्री शिक्षणाच्या प्रणेत्या क्रांतीज्योती सावित्रीबाई फुले यांची 191 वी जयंती साजरी करण्यात आली. जयंतीचे औचित्य साधून क्रांतीज्योतींच्या प्रेरणेचे धडे घेऊन आयुष्यातील संघर्षाला समोर जाण्याकरिता त्यांचा आदर्श ठेवला व त्यांचा शिक्षणाचा महामेरू विद्यार्थ्यांनी गिळंकृत केला. यावेळी 11वी कला शाखेच्या विद्यार्थिनींनी प्रियंका अनिल मडावी व शुभांगी आबाजी साळवे यांनी आपल्या मनोगतातून सावित्रीमाईच्या कार्याचा गौरव करून विद्यार्थिनींनी त्यांच्या जीवनावर आधारित गीत सादर केले. या कार्यक्रमाकरिता अध्यक्षस्थान ज्येष्ठ प्राध्यापक डॉ. दिनेश दुर्योधन यांनी भूषवले. प्रमुख पाहुणे महाविद्यालयाच्या पर्यवेक्षिका रेणुका देशकर, सांस्कृतिक विभाग प्रमुख मनीषा राखुंडे उपस्थित होते. तसेच महाविद्यालयातील सर्व प्राध्यापक वृंद, शिक्षकेतर कर्मचारी तसेच विद्यार्थी गणही उपस्थित होते. या कार्यक्रमासाठी कार्तिक हेपट, अंकुश महाकुलकर यांनी कार्यक्रमासाठी अथक परिश्रम घेतले कार्यक्रमाचे प्रास्ताविक अल्पना दुधे, संचालन खुशी बंडू मडावी हिने तर आभार कल्याणी मारोती जाभोर हिने केले. कार्यक्रमाची सांगता राष्ट्रगीताने झाली.