अल्ट्राटेकच्या आवारपुर सिमेंट प्लांट कंत्राटी कामगार आंदोलनामुळे तिसऱ्या दिवशी ही बंद

• अल्ट्राटेकच्या आवारपुर सिमेंट प्लांट कंत्राटी कामगार आंदोलनामुळे तिसऱ्या दिवशी ही बंद
• शुल्लक कारणावरून काम बंद आंदोलन कामगारांसाठी कितीपत हितकारक..??
• अल्ट्राटेक सिमेंट चे जवाबदार अधिकारी सुट्टीवर, कामगार संघाला बैठकीची वाट

धनराजसिंह शेखावत - आमचा विदर्भ प्रतिनिधी

गडचांदूर -

मागील दोन दिवसांपासून कोरपना तालुक्यातील अल्ट्राटेक सिमेंट कारखान्यामध्ये व्यवस्थापनाच्या एका अधिकाऱ्याकडून कंत्राटी कामगाराला दिल्या गेलेल्या अर्वाच्च शिवीगाळ प्रकरणाला घेऊन काम बंद आंदोलन सुरू आहे. अवारपुर सिमेंट प्लांट पूर्णपणे बंद असल्यामुळे दिवसागणिक करोडो रुपयांचे नुकसान कंपनी व्यवस्थापनाला होत असल्यामुळे कंपनी व्यवस्थापनाची स्थिती अस्वस्थ असल्यासारखी दिसून येत आहे. विजय क्रांती कामगार संघटनेच्या वतीने पुकारण्यात आलेल्या या काम बंद आंदोलनाला कंपनी व्यवस्थापनाने पाहिजे तेवढे मनावर न घेतल्या मुळे शिवाय कंपनीचे जबाबदार प्रशासकीय अधिकारी युनिट हेड आणि त्यांचे सहकारी हे मागील दोन ते तीन दिवसांपासून सुट्टीवर असल्यामुळे कंपनी प्रशासन आणि कामगार संघटन यांच्यात मध्यस्ती करायची कुणी हा अतिशय महत्त्वाचा प्रश्न उभा झाला असून विभागीय पोलीस अधिकारी सुधीर नाईक यांनी मध्यस्थी करण्याची भूमिका निभावण्याचा प्रयत्न केला, मात्र त्यांच्या प्रयत्नांना यश न आल्यामुळे आज घडीला सुद्धा काम बंद आंदोलन सुरू असल्याचे चित्र दिसून येत आहे. अर्वाच्य शिवीगाळ केलेल्या अधिकाऱ्यांनी कामगारांची माफी मागावी व कामगारांच्या मागील दोन ते तीन वर्षांपासून प्रलंबित असलेल्या मागण्या सोबतच आता कंत्राटी कामगारांना वैद्यकीय सेवा गणवेश व मध्यंतरी  कालावधीत मिळणारा भोजन या मागण्यांना आता कामगारांनी समोर केली आहे. आंदोलन करण्या करिता मिळालेली ही संधीच कामगारांनी या संधीचं सोनं केलं की काय अशा प्रकारचा दृश्य त्या ठिकाणी तयार झाल्याचे दिसून येत आहे. याशिवाय L&T सिमेंट सिमेंट कंपनीच्या निर्मितीपासून कामगारांच्या हितासाठी लढणारी एल अँड टी कामगार संघटना गप्प असल्यामुळे कामगारांमध्ये एक प्रकारचा संभ्रमची स्थिती निर्माण झाली आहे.