शिक्षकेत्तर कर्मचाऱ्यांचे प्रलंबित प्रश्न सोडवा

• शिक्षकेत्तर कर्मचाऱ्यांचे प्रलंबित प्रश्न सोडवा
• राजुरा विधानसभा क्षेत्रातील शिक्षकेत्तर कर्मचाऱ्यांची मागणी
• आमदार सुभाष धोटे यांना निवेदन

विरेंद्र पुणेकर - आमचा विदर्भ प्रतिनिधी

राजुरा -

राजुरा विधानसभा क्षेत्रातील माध्यमिक शाळा शिक्षकेत्तर कर्मचारी संघटनेच्या वतीने राजुरा विधानसभा क्षेत्राचे आमदार सुभाष धोटे यांना निवेदन देत राज्यातील माध्यमिक शाळा शिक्षकेत्तर कर्मचाऱ्यांचे मागील अनेक दिवसांपासून प्रलंबित असलेले प्रश्न शिक्षणमंत्री व मुख्यमंत्रांच्या निदर्शनात आणून ते प्रश्न सोडविण्याबाबतचे निवेदन (दि १२)  आमदारांमार्फत पाठविण्यात आले.

राज्यातील माध्यमिक शाळेत कार्यरत शिक्षकेतर कर्मचाऱ्यांच्या मागण्या मागील अनेक दिवसांपासून प्रलंबित आहे यात शिक्षकेत्तर कर्मचाऱ्यांसाठी बक्षी समितीने शिफारस केल्याप्रमाणे आश्वासित प्रगती योजनेचा दहा वीस तीस वर्षानंतरचा लाभ तात्काळ लागू करण्यात यावा, ११ डिसेंबर २०२० चा चतुर्थश्रेणी कर्मचाऱ्यांचा अन्यायकारक शासन निर्णय तातडीने रद्द करून शासन नियुक्त समितीने शिफारस  केल्यानुसार शिक्षकेत्तर कर्मचाऱ्यांची अटकळ पदभरती करण्यात यावी, माध्यमिक शाळेत शिक्षकेत्तर कर्मचाऱ्यासाठी चोवीस वर्षाच्या लाभाबाबत मुंबई उच्च न्यायालयाने दिलेल्या निकालाची अंमलबजावणी करण्यात यावी, राज्यातील सर्व जिल्ह्यातील शिक्षकेत्तर कर्मचाऱ्यांच्या प्रलंबित पदोन्नतीस व अनुकंपाबाबत तात्काळ मान्यता देण्यात यावी या मागण्या घेऊन आमदार धोटे यांना निवेदन देण्यात आले.

यावेळी कोरपना, राजुरा, गोंडपिपरी, जिवती तालुक्याच्या वतीने चंद्रपूर जिल्हा माध्यमिक शाळा शिक्षकेतर कर्मचारी संघटनेचे कार्याध्यक्ष अशोकराव पिंपळकर, कोरपना तालुका अध्यक्ष सुनीलराव झाडे यासह इतर पदाधिकारी यांच्या उपस्थितीत आमदाराच्या मार्फतीने शिक्षणमंत्री व मुख्यमंत्री यांना पाठविण्यात आले. यावेळी आमदार धोटे यांनी सहकार्य करणार असल्याचे आश्वासन दिले.