नेहरू युवा केंद्राद्वारे वक्तृत्व स्पर्धा

• नेहरू युवा केंद्राद्वारे वक्तृत्व स्पर्धा 
• प्रतीक्षा वासनिक, सूरज पचारे व प्रलय म्हशाखेत्री ठरले अव्वल

शशी ठक्कर - आमचा विदर्भ प्रतिनिधी

चंद्रपूर -

नेहरू युवा केंद्रांद्वारे राज्यस्तरीय वक्तृत्व स्पर्धेसाठी राजुरा येथील शिवाजी महाविद्यालयाच्या प्रतीक्षा वासनिक, सूरज पचारे या दोन विद्यार्थ्यांनी अनुक्रमे प्रथम क्रमांकाचे पाच हजार रुपयांचे व द्वितीय क्रमांकाचे दोन हजाराचे पारितोषिक पटकावले आहे. सरदार पटेल महाविद्यालय चंद्रपूर येथील प्रलय म्हशाखेत्री याने तिसरा क्रमांक मिळविला असून त्याला एक हजाराचे पारितोषिक मिळणार आहे. या तीन विद्यार्थ्यांची राज्यस्तरीय वक्तृत्व स्पर्धेकरिता निवड झाली असून त्यांच्या यशाबद्दल या विद्यार्थ्यांचे अभिनंदन करण्यात येत आहे.

नेहरू युवा केंद्र ,चंद्रपूर युवा कार्यक्रम व खेल मंत्रालय,भारत सरकार द्वारा आयोजित जिल्हास्तरीय भाषण प्रतियोगिता स्पर्धा एफ. ई. एस. गर्ल्स कॉलेज, चंद्रपूर येथे झाली. या स्पर्धेत जिल्हयातील अनेक महाविद्यालयीन विद्यार्थ्यांनी सहभाग नोंदविला. "देशभक्ती और राष्ट्रनिर्माण" असा स्पर्धेचा विषय होता. या स्पर्धेकरीता हिंदी आणि इंग्रजी या भाषेतून विद्यार्थ्यांनी आपली मते मांडली. या स्पर्धेत एकूण 29 स्पर्धकांनी भाग घेतला. या भाषण स्पर्धेमध्ये स्थानिक श्री.शिवाजी कला वाणिज्य व विज्ञान महाविद्यालय येथील पदवीचे शिक्षण घेणारी प्रतीक्षा वासनिक या विद्यार्थींनीने प्रथम क्रमांक आणि याच महाविद्यालयाचे सूरज पचारे या विद्यार्थ्यांने द्वितीय क्रमांक पटकावला. तृतीय क्रमांकाचा विजेता चंद्रपूर येथील सरदार पटेल महाविद्यालयाचा प्रलय म्हशाखेत्री ठरला. या कार्यक्रमात  मान्यवरांच्या हस्ते प्रशस्तीपत्र व रोपट भेट देऊन तिघांचाही सन्मान करण्यात आला. सदर स्पर्धेला परीक्षक डॉ. राजेश चिमोनकर, डॉ.मिनाक्षी जुमडे, अँड.आकाश कडुकर यांनी काम पाहिले. यावेळी जिल्हा युवा अधिकारी शमशेर सुभेदार, हेमंत सूर्यवंशी, प्रिया दिनेश जावरे उपस्थित होते.

कु. प्रतीक्षा वासनिक व सूरज पचारे यांची जिल्हास्तरीय फेरीतून राज्यस्तरीय फेरीकरीता निवड झालेली आहे. त्यांच्या या यशाबद्दल शिवाजी महाविद्यालयाचे प्राचार्य डॉ.एस.एम.वारकड, मराठी विभाग प्रमुख डॉ.संतोष देठे, डॉ.संजय लाटेलवार, रा.से.यो.कार्यक्रम अधिकारी प्रा.गुरुदास बल्की, आई-वडील मित्र परिवार यांनी अभिनंदन करीत पुढील राज्यस्तरीय फेरीसाठी शुभेच्छा दिल्या आहेत.