दिल्ली-पंजाब प्रमाणे निःशुल्क वीज द्या - अविनाश जाधव

• दिल्ली-पंजाब प्रमाणे निःशुल्क वीज द्या - अविनाश जाधव
• शेकडो शेतकऱ्यांचा वीजपुरवठा खंडित

विरेंद्र पुणेकर - आमचा विदर्भ प्रतिनिधी

राजुरा -

राजुरा तालुक्यातील नलफडी, मूर्ती, विहिरीगाव येथील शेकडो शेतकऱ्यांचा वीजपुरवठा खंडित झाला असून तो सुरू करावा, अशी मागणी राजूरा तहसीलदार यांना निवेदनाद्वारे करण्यात आली आहे. यावेळी माजी जिल्हा परिषद सदस्य अविनाश जाधव यांच्या नेतृत्वात शिष्टमंडळाने निवेदन देऊन चर्चा केली. तालुक्यातील नलफडी, मूर्ती, विहीरगाव या परिसरात शेतकऱ्यांना विद्युत विभाग त्रास देत असून दिवसा विद्युत पुरवठा खंडित आणि रात्री सुरू, असा तुघलकी निर्णय घेण्यात आला. त्यामुळे शेतकरी त्रस्त झाले आहेत. त्यामुळे रविवारी शेतकरी तहसील कार्यालय येथे धडकले आणि आपली आपबीती मांडली. वीज मंडळाने अनेक शेतकऱ्यांचा विद्युत पुरवठा खंडित केला आहे. चंद्रपूर जिल्ह्यातील आदिवासी बहुल भागातील शेतकऱ्यांना दिल्ली आणि पंजाब राज्यांप्रमाणे मोफत विद्युत पुरवठा देण्याची मागणी जिल्हा परिषद सदस्य अविनाश जाधव यांनी केली आहे. याप्रसंगी शेतकरी सतीश साळवे, किशोर डाखरे, नितेश डाखरे, दादा गिरसावळे, बंडू वडस्कर, अजय आस्वले, संतोष मोरे, किसन मुसळे, निखिल पोतले यांच्यासह शेतकरी उपस्थित होते.