भरधाव वेगाने जाणारी चारचाकी उड्डाणपुला वरून कोसळली ; दोन मृत; दोन जखमी

• भरधाव वेगाने जाणारी चारचाकी उड्डाणपुला वरून कोसळली
• दोन मृत; दोन जखमी 

शशी ठक्कर - आमचा विदर्भ प्रतिनिधी

चंद्रपुर -

दारूच्या नशेत असलेल्या युवकांचे वाहन शहरातील बाबूपेठ रेल्वे उड्डाणपुलावरून कोसळल्याची धक्कादायक घटना आज रविवारी घडली असून यात दोघांचा जागीच मृत्यू झाला तर दोन जण जखमी झाले आहेत. जखमींवर जिल्हा रुग्णालयात उपचार सुरू आहे. अभिषेक गुप्ता असे मृताचे नाव असून दुसऱ्या युवकाचे नाव अद्याप कळू शकले नाही. मिळालेल्या माहितीनुसार बल्लारपूरहून हे युवक दारूच्या नशेत धुंद अवस्थेत कार क्रमांक MH34 BR 0141 ने चंद्रपुरात येत होते अशातच बाबूपेठ येथील रेल्वे उड्डाणपुलावरून भरधाव वेगाने कार चालवीत असताना वाहनवरील नियंत्रण सुटले व वाहन पुलावरून खाली कोसळले. हा अपघात इतका भीषण होता की यात दोघांचा जागीच मृत्यू झाला. तर दोन जण जखमी झाले आहे.