अज्ञात वाहनाच्या धडकेत दुचाकीस्वार ठार

• अज्ञात वाहनाच्या धडकेत दुचाकीस्वार ठार
• सास्ती टी पॉईंटच्या रेल्वे उड्डाणपुला जवळील घटना

आमचा विदर्भ - ब्युरो रिपोर्ट्स

राजुरा -

दुचाकीवरून जात असताना अज्ञात वाहनाने दुचाकीला जोरात धडक दिली. त्यात दुचाकीस्वार इसमाचा जागीच मृत्यू झाला. तसेच दुचाकीचेही बऱ्याच प्रमाणात नुकसान झाले. ही घटना 19 डिसेम्बरच्या रात्री 9 वाजताच्या सुमारास सास्ती टी पॉईंटच्या रेल्वे उड्डाणपुला जवळ घडली. देवराव मेश्राम वय 58 असे मृत्यू झालेल्या इसमाचे नाव असून मृतक देवराव मेश्राम वेकोलिच्या सास्ती ओपनकास्ट मध्ये ऑपरेटर पदावर कार्यरत होते. देवराव मेश्राम गडचांदूर रोड वरून त्यांच्या घरी सहकार नगर रामपूरला जात असताना त्यांच्या दुचाकी क्रमांक MH 35 E 6155 ला अज्ञात वाहनाने धडक दिल्याने त्यांचा जागीच मृत्यू झाला.

याबाबत वच्छला देवाजी राऊत यांनी पोलीस स्टेशन राजुरा ला तक्रार दिली. पोलिसांनी अज्ञात वाहन चालकाच्या विरोधात भारतीय दंड संहिता 1860, 304-A मोटार वाहन अधिनियम 1954, 134, 177, 184 अन्वये गुन्हा दाखल केला. समोरील तपास राजुरा पोलीस करीत आहे.