बामणवाडा येथील महिला मारहाण प्रकरणी विनयभंग व ॲट्रासिटीचा गुन्हा दाखल करा भीम आर्मीची मागणी

• बामणवाडा येथील महिला मारहाण प्रकरणी विनयभंग व ॲट्रासिटीचा गुन्हा दाखल करा
• भीम आर्मीची मागणी - अन्यथा आंदोलन 

विरेंद्र पुणेकर - आमचा विदर्भ प्रतिनिधी

राजुरा -

राजुरा तालुक्यातील बामणवाडा येथील एका अनुसूचित जातीच्या महिलेला बेदम मारहाण करून तिचा विनयभंग केल्याप्रकरणी राजुरा पोलिसांनी आरोपीवर ॲक्ट्रासिटी व विनयभंगाचा गुन्हा दाखल करावा अन्यथा तीव्र आंदोलन छेडण्यात येईल, असा इशारा चंद्रपूर जिल्हा भीम आर्मीच्या पदाधिकाऱ्यांनी येथे येऊन पोलीस उपविभागीय अधिकारी राजा पवार आणि ठाणेदार चंद्रशेखर बहादुरे यांची भेट घेऊन निवेदनाद्वारे केली आहे.

बामणवाडा येथील निवासी सौ.सुनिता देवानंद घोगडे या पीडितेने बामणवाडा येथील सदाशिव पाल यांचे विरुद्ध राजुरा पोलीस ठाण्यात तक्रार दाखल केली होती. या प्रकरणी आरोपींवर कलम ३२३, ५०४ व ५०६ अंतर्गत गुन्हा नोंद करण्यात आला. वास्तविक एवढी गंभीर तक्रार असतांना परिस्थीतीनुसार गुन्हे नोंदविले नाही. पिढीत महिला ही अनुसुचित जातीची असून या महिलेला आरोपीने भर चौकात तिचे अंगावरील कपडे सुटेपर्यंत मारहाण करून विनयभंग केलेला आहे. म्हणुन आरोपीवर तातडीने विनयभंग आणि अनुसूचित जाती जमाती अत्याचार प्रतिबंधक कायद्यानुसार गुन्हा दाखल करावा आणि आरोपीला अटक करावी, अशी मागणी भीम आर्मीचे जिल्हाध्यक्ष जितेंद्र डोहणे, जिल्हा महासचिव सुरेंद्र रायपुरे, प्रशांत रामटेके, राजुरा तालुकाध्यक्ष बंडु देठे, अमर धोंगडे, सूरज उपरे, सुदेश शिंगाडे, बादल ताकसांडे, भीमराव आंबटवार, वैभव ताकसांडे, सुजल सांडे, अंकीत रामटेके, संदीप चंद्रगिरीवार, विक्रांत धोंगडे यांनी केली आहे.