भुंरकुंडा शेतशिवारातील शेतातून मोटार पंप चोरी

• आता परटीला पाणी कसं द्यायचे शेतकऱ्यासमोर उभा ठाकला प्रश्न

आमचा विदर्भ - ब्युरो रिपोर्ट्स

राजुरा -

भुंरकुंडा शेतशिवारातून तुकाराम नारायण ढुमणे यांच्या शेतातून अज्ञात इसमाने मुख्यमंत्री सौर कृषी पंप योजना अंतर्गत एक टाटा पावर सोलर पानबुडी, 3 एच.पी सबमर्शीबल मोटार पंप किंमत 16560 रुपये चोरून नेल्याची घटना घडली. 

शेतकरी तुकाराम ढुमणे शेतामध्ये पराटीला पाणी देण्यासाठी गेले असता त्यांनी सौरउर्जेवर असलेला मोटारपंप सुरु केला असता पाणी बाहेर फेकत नसल्याचे आढळून आले. विहीरीजवळ जावुन पाहीले असता मोटारपंपाची पाईप व पंपाला बांधुन असलेला दोर तसेच पंपचा कनेक्शन वायर तुटुन असलेला दिसला. त्यानंतर त्यांनी मोटारपंपचा शोध घेतला व शेजाऱ्यांना विचारपूस केली पण पंप मिळाला नाही. अखेर त्यांनी पोलीस स्टेशन मध्ये तक्रार दिली पुढील तपास पोलीस करीत आहे.