अँड. यादवराव धोटे महाविद्यालयात गुणवंत विद्यार्थ्यांचा सत्कार

विरेन्द्र पुणेकर - आमचा विदर्भ प्रतिनिधी

राजुरा -

अँड. यादवराव धोटे मेमोरियल सोसायटी राजुरा द्वारा संचालित अँड. यादवराव धोटे महाविद्यालयात  4 ऑगस्ट रोजी नुकत्याच जाहीर झालेल्या इयत्ता बारावीच्या निकालाची उल्लेखनीय कामगिरी करणाऱ्या गुणवंत विद्यार्थ्यांचा विशेष सत्कार करण्यात आला. यामध्ये महाविद्यालयातून 93% टक्के घेऊन विज्ञान शाखेतून प्रथम आलेल्या कुमारी निकिता तुळशीराम विद्दे तसेच गिरीराज संजय चांडक 92.66% द्वितीय तसेच कुमारी सानिका विशाल दुधे 92.16% तथा वाणिज्य शाखेचा कुणाल रामचंद्र भोंगळे 92.16% घेऊन महाविद्यालयातून तृतीय क्रमांक पटकाविला तसेच वाणिज्य शाखेची कुमारी रोशनी चंपत बोरकुटे हिने 92% घेऊन चतुर्थ क्रमांक पटकावला त्याचबरोबर कला शाखेची विद्यार्थिनी कुमारी नंदिनी शंकर कोरवते हिने 91.83% गुण प्राप्त करुन महाविद्यालयातून पाचवा क्रमांक पटकाविला तसेच इतर तीनही शाखेच्या गुणवंत विद्यार्थ्यांचा मान्यवरांच्या हस्ते विशेष सत्कार करण्यात आला.

याप्रसंगी संस्थेचे अध्यक्ष सुधीर धोटे, उपाध्यक्ष अँड. संजय धोटे, कोषाध्यक्ष सतीश धोटे, सचिव डॉ. अर्पित धोटे, वरिष्ठ महाविद्यालयाच्या प्राचार्या  मीनाक्षी कालेश्वरवार, कनिष्ठ महाविद्यालयाचे प्राचार्य इर्शाद शेख त्याचबरोबर प्रा. दिनेश दुर्योधन, महाविद्यालयाच्या पर्यवेक्षिका रेणुका पाध्ये, गुणवंत विद्यार्थ्यांचा पालक वर्ग, सर्व प्राध्यापक वृंद व शिक्षकेतर कर्मचारी उपस्थित होते.

कार्यक्रमाचे प्रास्ताविक महाविद्यालयाचे प्राचार्य इर्शाद शेख, संचालन सांस्कृतिक विभागप्रमुख मनीषा राखुंडे यांनी केले तर आभार प्रदर्शन प्रा. गौरी पायतोड यांनी मानले कार्यक्रमाची सांगता राष्ट्रगीताने करण्यात आली.