आठवडी बाजार सुरू करा

• युवासेनेने दिले तहसीलदारांना निवेदन
• आठवडी बाजारामध्ये शेतीपूरक व्यवसायाची उलाढाल मोठ्या प्रमाणात होत असून, आठवडी बाजार बंद असल्यामुळे लहान व्यापाऱ्यांचे आतोनात नुकसान होत आहे

आमचा विदर्भ - ब्युरो रिपोर्ट्स

राजुरा -

कोरोनाच्या प्रादुर्भावामुळे आठवडी बाजार बंद आहेत. त्यामुळे शेतात पिकवल्या जाणाऱ्या पालेभाज्या, फळभाज्या विक्रेत्यांबरोबरच आठवडी बाजारामध्ये असणारे छोटे व्यावसायिक, मिठाईवाले, भांडीवाले, कापड दुकानदार, शेती उपयोगी अवजारे विक्रेते, चर्मकार व्यवसाय, दोरखंड विकणारे, गृहोपयोगी वस्तू विकणारे, झाडू विकणारे, चटई विकणारे, फळ विक्रेते आदी व्यावसायिकांच्या उदरनिर्वाहाचा प्रश्न निर्माण झाला आहे. हे सर्व व्यावसायिक आठवडी बाजारामध्ये आपल्या कमी भांडवलामध्ये अल्प नफा कमवून आपला उदरनिर्वाह करतात. मात्र कोरोनामुळे या सर्व व्यावसायिकांचा व्यवसाय बंद झाला आहे. 

राज्य शासनाने लॉकडाउन मध्ये लावलेले बरेचशे निमय व अटी शिथिल केले आहे, चंद्रपूर जिल्ह्यात सर्वच ठिकाणी आठवडी बाजार बंद होते आता जिल्हा प्रशासन ने आठवडी बाजारा चे निमय व अटी शिथिल केले आहे आणि त्यांना बाजारासाठी परवानगी पण दिली आहे. परंतु जिल्ह्यात अनेक ठिकाणी बाजाराला परवानगी असून राजुरा शहरात आठवडी बाजाराला अद्याप परवानगी मिळाली नसल्याने शिवसेना जिल्हाप्रमुख संदीप गिऱ्हे, युवासेना जिल्हाप्रमुख निलेश बेलखेडे यांचा मार्गदर्शनाखाली व युवासेना राजुरा शहर चिटणीस स्वप्निल मोहुर्ले यांचा नेतृत्वात जिल्हाधिकारी व  तहसीलदार यांच्या मार्फत निवेदन देण्यात आले. आठवडी बाजार सुरु करण्याबाबत तहसीलदार साहेब यांचेसोबत चर्चा करून तालुक्यातील ग्रामीण भागातल्या लोकांना सतत होत असलेल्या त्रासा बद्दल व छोटे व्यापारी आठवडी बाजारावर अवलंबून असल्याचे आठवडी बाजार सुरू करण्याच्या मागणीचे निवेदन देण्यात आले. याप्रसंगी युवासेना तालुका प्रमुख बंटी मालेकर, युवासेना तालुका चिटणीस कुणाल कुडे, ललित लांडे उपस्थित होते.