ब्रेकिंग न्यूज - राजुरा - गडचांदूर मार्ग बंद

• खामोना जवळील पुलावर तब्बल ५ फूट पाणी : वाहतूक ठप्प

विरेन्द्र पुणेकर / धनराजसिंह शेखावत - टीम आमचा विदर्भ

राजुरा - गडचांदूर -

मान्सूनने चांगलाच जोर पकडला आहे. मुसळधार पावसाने सलग दोन दिवस हाहाकार उडविला आहे. बुधवार दुपारपासून सर्वदूर पडत असलेल्या पावसाने रात्री पासून जोर धरल्याने नद्या, नाले, पाण्याने तुडुंब भरून वाहत आहेत. काल दुपारपासून पावसाचा जोर कायम राहिल्याने जनजिवन विस्कळीत झाले आहे. तालुक्यातील नद्या-नाले तुडुंब भरून वाहू लागले आहे. आज दुपारी १ वाजताच्या दरम्यान खामोना जवळील नाल्यावरून ५ फूट वरून पाणी वाहत असल्याने राजुरा - गडचांदूर मार्गावरील वाहतूक ठप्प झाली. वाहतूक ठप्प झाल्याने पुलाचा दोन्हीकडे वाहनांचा रांगा लागल्या आहे. पोलिसांचा येथे पहारा सुरु आहे. याच मार्गावरील आर्वी गावाच्या नाल्यावरील पुलाला लागून पाणी वाहत असल्याची माहिती मिळाली आहे. गोवरी कॉलनी ते कढोली व पोवनी ते कढोली जाणाऱ्या मार्गावरील पुलाला लागून पाणी वाहत आहे. अनेक ठिकाणी पाणी साचल्याने वाहतूक विस्कळीत झाली आहे. रस्त्यावरून पाणी वाहत असल्याने वाहतूक ठप्प झाली. कढोली परिसरातील एक इसम मिसिंग असल्याची प्राथमिक माहिती मिळाली आहे. कोरपना तालुक्यातील नांदा रोड वरील दोन्ही पुलावरुन पाणी वाहत असल्याची माहिती मिळाली आहे. तसेच ग्राम पंचायत नांदा परिसरात पाणी साचले आहे. मुसळधार पावसामुळे नागरिकांची तारांबळ उडाली आहे. अनेक भागात पाणी साचले आहे. काही ठिकाणी शेतशिवारात तर घरांत पाणी शिरले आहे.

बातम्या अधिक आहेत.....

🌧️ राजुरा मध्ये पावसाचे पाणी दुकानांत, घरात घुसले