- भीषण अपघातात एकाचा मृत्यू तर चार गंभीर जखमी
- चुकीच्या दिशेने ऑटो आल्यामुळे झाला अपघात
रमेश निषाद - आमचा विदर्भ प्रतिनिधी
काल सायंकाळी सहाच्या सुमारास बामणी ते दहेली या मार्गावर ऑटो क्रमांक एमएच 34 डी 4843 आणि दुचाकी क्रमांक एमएच 34 ए झेड 8610 समोरासमोर धडक झाली. बल्लारपूरहुन येताना हा अपघात झाला. मिळालेल्या माहितीनुसार ऑटो रिक्षाचालकाचा ताबा सुटल्यामुळे समोरून येणाऱ्या दुचाकीस्वारावर ऑटो पलटी झाल्यामुळे हा अपघात झाल्याचे बोलले जात आहे. अपघातात ऑटो बसलेल्या प्रतीक भोला बख्शी वय 23 याचा जागीच मृत्यू झाला. साईनाथ मोरेश्वर आत्राम वय 28 व ऑटो चालक प्रदीप भीमराव खेरकर वय 24 यांना गंभीर दुखापत झाल्याने त्यांना शासकीय दवाखान्याच्या अति दक्षता विभागात दाखल आहेत. मृतक आणि दोन्ही गंभीर जखमी दहेली गावचे रहिवासी आहेत. दुचाकीस्वार रवि पोपेश्वर मानकर वय 24, गौरव आंद्रेश रंगारी वय 36 हे दोघेही जाम तुकुम पोंभुर्णा येथील रहिवासी आहेत दोघांच्याही हाताला गंभीर दुखापत झाली आहे. हे लोक आपल्या नातेवाईकाच्या मृत्यू संदर्भात उपस्थित राहण्यासाठी लक्कड़कोट ला गेले होते. प्रत्यक्षदर्शींच्या म्हणण्यानुसार, ऑटो विरुद्ध दिशेने वेगाने येत असताना हा अपघात झाला. पुढील तपास बल्लारपूरचे ठाणेदार उमेश पाटील यांच्या मार्गदर्शनाखाली सहाय्यक पोलिस निरीक्षक रासकर आपल्या सहकार्यांसह करीत आहे.
बातम्या अधिक आहेत.....
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.