शुक्रवारी एकही मृत्यु नाही, 11 कोरोनामुक्त 6 पॉझिटिव्ह

• ॲक्टीव्ह रुग्णांची संख्या 167

श्रावण कुमार - आमचा विदर्भ प्रतिनिधी

चंद्रपूर -

दि.9 जुलै : गत 24 तासात जिल्ह्यात 11 जणांनी कोरोनावर मात केल्याने त्यांना रुग्णालयातून सुटी देण्यात आली. तसेच 6 जण नव्याने पॉझिटीव्ह आले आहेत. जिल्हयात शुक्रवारी एकाही बाधिताचा मृत्यू झाला नाही.

आरोग्य विभागाच्या प्राप्त अहवालानुसार, बाधित आलेल्या 6 रुग्णांमध्ये चंद्रपूर महानगर पालिका क्षेत्रातील 0, चंद्रपूर तालुका 0, बल्लारपूर 0, भद्रावती 1, ब्रम्हपुरी 0, नागभीड 0, सिंदेवाही 0, मुल 1, सावली 0, पोंभूर्णा 0, गोंडपिपरी 0, राजूरा 0, चिमूर 0, वरोरा 2, कोरपना 1, जिवती 1 व इतर ठिकाणच्या 0 रुग्णांचा समावेश आहे. जिल्ह्यात आतापर्यंत एकूण बाधितांची संख्या 84 हजार 792 वर पोहोचली आहे.

तसेच सुरवातीपासून आतापर्यंत बरे झालेल्यांची संख्या 83 हजार 92  झाली आहे. सध्या 167 बाधितांवर उपचार सुरू आहेत. आतापर्यंत 5 लाख 76 हजार 120 नमुन्यांची तपासणी करण्यात आली असून त्यापैकी 4 लाख 88 हजार 497  नमुने निगेटीव्ह आले आहेत. जिल्ह्यात आतापर्यंत 1533 बाधितांचे मृत्यू  झाले आहे.

प्रशासनाचे आवाहन : नागरिकांनी कोरोना पुर्णपणे संपला या मानसिकतेतून बाहेर यावे आणि मास्कचा वापर, वारंवार हात धुणे व सुरक्षीत अंतर राखणे या त्रीसुत्रीचा नियमित वापर करावा, स्वत:ची काळजी घ्यावी तसेच पात्र सर्व नागरिकांनी जवळच्या केंद्रावरून कोरोनाची लस घ्यावी, व प्रशासनाने दिलेल्या सूचनांचे पालन करावे, असे आवाहन जिल्हाधिकारी अजय गुल्हाने यांनी केले आहे. 

बातम्या अधिक आहेत......

⭕ बल्लारपुर-अल्लापल्ली रोडवर दुचाकी आणि ऑटोची समोरासमोर धडक ⭕ भीषण अपघातात एकाचा मृत्यू तर चार गंभीर जखमी ⭕ ऑटो चुकीच्या दिशेने आल्यामुळे झाला अपघात