बचत गटातुन महिलांनी प्रगती साधावी - विजय बावणे

धनराजसिंह शेखावत - आमचा विदर्भ प्रतिनिधी

गडचांदुर - 

बचत गटाच्या माध्यमातून महिलांनी उंच भरारी घेत सामाजिक, आर्थिक, शैक्षणिक, राजकीय, प्रगती साधली तसीच प्रगती महिलांनी बचत गटाच्या माध्यमातून साधावी असे आवाहन मध्यवर्ती सहकारी बँकेचे संचालक तथा विभागीय कर्ज समितीचे अध्यक्ष विजयरावजी बावणे यांनी गडचांदूर येथील मध्यवर्ती सहकारी बँक गडचांदूर येथे स्वयंसहायता महिला बचत गट कर्ज वितरण व मार्गदर्शन मेळाव्या प्रसंगी अध्यक्षस्थानावरुन बोलताना व्यक्त केले. 

नाबार्ड पुरस्कृत डिजीटल व साक्षरता शिबीर अंतर्गत चंद्रपुर जिल्हा मध्यवर्ती सहकारी बँकेची शाखा गडचांदूर येथे स्वयंसहायता महिला बचत गट कर्ज वितरण व मार्गदर्शन मेळावा नुकताच काल पार पडला.  या कार्यक्रमा चे अध्यक्ष म्हणून मध्यवर्ती सहकारी बँकेचे संचालक तथा विभागीय कर्ज समितीचे अध्यक्ष विजयरावजी बावणे, तर या मेळाव्याचे उदघाटक बॅंकेचे माजी अध्यक्ष व विद्यमान संचालक शेखर धोटे, संचालक पांडुरंग जाधव,संचालक ललित मोटघरे, संचालिका नंदाताई अल्लुरवार, नाबार्ड जिल्हा विकास व्यवस्थापक तृणाल फुलझेले प्रमुख पाहुणे म्हणून उपस्थित होते. या प्रसंगी उपस्थित प्रमुख पाहुण्यानी उपस्थित स्वयंसहायता महिला बचत गट च्या महिलांना मार्गदर्शन केले. या प्रसंगी उपस्थित पाहुणेच्या हस्ते चौदा महिला बचत गटांना पंधरा लाख अंशी हजार रुपयांचे कर्ज वाटप केले.

कार्यक्रम प्रसंगी विभागीय अधिकारी मा सय्यद, वडगावकार, शाखा व्यवस्थापक जोगी, अशोक पवार व शाखा निरीक्षक प्रशांत बलकी उपस्थित होते. कार्यक्रमाचे संचालन व आभार प्रशांत बल्की यांने मानले.

बातम्या अधिक आहेत....

राष्ट्रीय हत्तीरोग दुरिकरण मोहीम ; सामूहिकपणे गोळ्या घेऊन अधिकार्‍यांनी केला शुभारंभ