यवतमाळ जिल्ह्यात 2629 गुन्हेगारांची कुंडली तयार

• पोलिस अधीक्षक डॉ. दिलीप भुजबळ यांची माहिती

रक्षक पाटील - आमचा विदर्भ प्रतिनिधी
यवतमाळ -
कायदा व सुव्यवस्था अबाधित राखण्यासाठी पोलिस दलात प्लस टू योजना कार्यान्वित करण्यात आली आहे. त्या अंतर्गत दोन पेक्षा अधिक गुन्हे दाखल असलेल्या 2629 गुन्हेगारांची कुंडली तयार करण्यात आली आहे. 

शरीर दुखापत, खंडणी, मालमत्ता, अवैध दारू विक्री, रेती तस्करी गुन्हेगारांवर प्रतिबंधात्मक कारवाई करण्यात येणार आहे, अशी माहिती पोलीस अधीक्षक डॉ. दिलीप पाटील भुजबळ यांनी दिली. येत्या तीन महिन्यात पूर्ण कारवाई करण्यात येणार आहे. या माध्यमातून संगठीत गुन्हेगारांच्या मुसक्या आवळण्यात येईल. प्लस टू योजनेमुळे समाजात शांतता प्रस्थापित करण्यासाठी फायदा होईल, अशी अपेक्षा पोलिस अधीक्षक डॉ. भुजबळ यांनी व्यक्त केली.