वाढदिवसाचे गिफ्ट देण्याच्या बहाण्याने जंगलात नेऊन प्रेयसीवर अत्याचार

• अत्याचार करतानाचे व्हिडीओ आणि फोटो सोशल मीडियावर व्हायरल

आमचा विदर्भ - ब्युरो रिपोर्ट्स

बल्लारपूर -

प्रियकराने प्रेयसीच्या वाढदिवशी तिला गिफ्ट देण्याच्या बहाण्याने जंगलात नेऊन तिच्यावर अत्याचार केल्याची धक्कादायक घटना बल्लारपूर मध्ये घडली.  आरोपी एवढ्यावरच थांबला नाहीतर त्याने पीडित मुलीवर अत्याचार करतानाचे व्हिडीओ आणि फोटो सोशल मीडियावर व्हायरल केले. अत्याचाराचे फोटो आणि व्हिडीओ व्हायरल झाल्यानंतर पीडितेने या प्रकरणी पोलिसांत तक्रार दाखल केली. या प्रकरणी पोलिसांनी आरोपी प्रियकराला अटक केली आहे.

मिळालेल्या माहितीनुसार आरोपी नावे सन्मुखसिंग बुंदेल वय २५ रा. बल्लारपूर असे नाव आहे. या युवकाचे एका तरुणीसोबत प्रेमसंबंध जुळले. आरोपी सन्मुखसिंग बुंदेल याने प्रेयसीला वाढदिवसाचे गिफ्ट देतो असे सांगत कारवा जंगलात नेले. या ठिकाणी आरोपीने तिच्यावर अत्याचार केला. यानंतर आरोपी एवढ्यावरच थांबला नाही तर त्याने अत्याचार करतानाचे व्हिडीओ आणि फोटो देखील काढले. यानंतर फेसबुकवर बनावट खाते काढून अत्याचाराचे सर्व व्हिडीओ आणि फोटोज सोशल मीडियावर व्हायरल केले.

प्रियकराने सोशल मीडियावर केलेल्या या संतापजनक प्रकरानंतर पीडित मुलीने पोलिसांत जाऊन तक्रार नोंदविली. प्रियकर हा पीडितेला जातीवाचक शब्दात बोलायचा. आरोपीच्या या लज्जास्पद वागणुकीमुळे पीडितेनं आरोपीला लग्नास नकार दिला होता अश्यातच प्रेमात मिठाचा खडा पडला. दोघांच्या नात्यात दुरावा निर्माण झाला. सुडाची भावना मनात ठेवत आरोपीने ऐन वाढदिवसी गिफ्ट देण्याचा बहाणा करत जंगलात नेऊन तिच्यावर अत्याचार केला. हि घटना शुक्रवारी घडली आहे. याप्रकरणी फिर्यादीच्या तक्रारीवरून सन्मुखसिंग बुंदेलला याला अटक करत त्याविरुद्ध अत्याचार, अट्रासिटी अंतर्गत गुन्हा दाखल करण्यात आला असून पुढील तपास उपविभागीय पोलीस अधिकारी राजा पवार यांच्या मार्गदर्शनाखाली सहायक पोलीस निरीक्षक ठाकरे करीत आहे. 

वृक्षारोपण करू या, पर्यावरणाचे रक्षण करून मानवी जीवन सुरक्षित करू या - जेसी अंकुशसिंह चौहान