पैनगंगा नदी घाटावरून अवैध रेतीचे उत्खनन

विनोद चंदनवार - आमचा विदर्भ प्रतिनिधी
हिमायतनगर (नांदेड) -
पैनगंगा नदीकाठावर असलेल्या दिघी, पाळसपूर, कोठा, धानोरा, वॉरंगटाकळी, बोरगडी आदींसह अनेक रेती घाटावरून रेतीचे रात्रंदिवस उत्खनन केलं जातं आहे, उत्खनन केलेली रेती पावसाळ्यात विकता यावी यासाठी साठेबाजी केली जात आहे. अनेक ठिकाणी महसुल विभागाने साठे जप्त केले मात्र खडकी बाजार ते पावनमारी रोडवर रेतीचे अवैध साठे जप्त करण्याकडे दुर्लक्ष झाल्याचे दिसत आहे. याबाबतचे फोटो खडकी येथील एका युवकाने सोशल मीडियावर व्हायरल झाल्यानं तालुक्यातील अनेक गावांतील वाहनधारक शासनातील भ्रष्ट अधिकारी व कर्मचाऱ्यांच्या संगनमताने रेतीची चोरी करून चुना लावत आहेत हे उघड झाले आहे. याकडे जिल्हाधिकारी डॉ. विपीन यांनी लक्ष द्यावे अशी मागणी अधिकदराने रेती घेण्याची वेळ आलेल्या नागरिकांनी, घरकूल लाभार्थ्यांनी केली आहे.