पुण्यश्लोक राजमाता अहिल्यादेवी होळकर यांची जयंती उत्साहात साजरी

• राजूरा तालूका धनगर समाज संघटनेचा पुढाकार

अनिल गंपावार - आमचा विदर्भ तालुका प्रतिनिधी

राजुरा -

सध्या देशात आणि महाराष्ट्रात कोरोनाचा पादुर्भाव असल्याने राजूरा तालूका धनगर समाज संघटनेचा पुढाकाराने सुरक्षित अंतर ठेऊन पुण्यश्लोक राजमाता अहिल्यादेवी होळकर यांची जयंती साध्या पद्धतीने मात्र उत्साहात साजरी करण्यात आली. सर्वप्रथम गडचांदूर मार्गावरील राजमाता अहिल्यादेवी चौकातील प्रतिमेला माल्यार्पण करण्यात आले त्यानंतर खंडोबा देवस्थान येथे खंडोबाचे पूजन करण्यात आले.

याप्रसंगी कैलास उराडे यांनी मार्गदर्शन केले. याप्रसंगी गणपत बोधे, गोपाळ बूरांडे, बळीराम खुजे, सौ. संध्या ढवळे, रुपेश चिडे प्रामुख्याने उपस्थित होते. कार्यक्रमाचे औचित्य साधून धनगर समाज संघटना तसेच खंडोबा देवस्थान समितीचे अध्यक्ष पुंडलिकराव उराडे यांनी प्रश्न मंजूषा स्पर्धा हा उपक्रम आयोजित केला. या स्पर्धेत प्रथम व द्वितीय क्रमांक प्राप्त स्पर्धकांना पाहुण्यांच्या हस्ते पारितोषिक देण्यात आले. 

धनगर समाजातील मेंढपाळ बांधवांना कोरोना लसी संबंधित जनजागृती करण्यात यावी व सर्वांनी मास्क व सॅनिटायझर चा वापर करून व गर्दीच्या ठिकाणी जाणे टाळावे व प्रशासन वारंवार सूचना देत असते त्यांचे नियमित पालन करून प्रशासनाला सहकार्य करावे असे आवाहन समाजातील जेष्ठ नागरिकांनी केले. 

स्थानिक, विदर्भ, महाराष्ट्र, देश, विदेशातील बातम्या, ताज्या घडामोडी व उपयुक्त माहितीसाठी आम्हाला आताच फॉलोव करा, आमचा विदर्भ फेसबुक पेजला लाईक करा.