मास्क न लावणाऱ्या नागरिकांवर कारवाही

• गडचांदूर व नांदा फाटा येथे स्थानिक प्रशासन व पोलिसांची विभागाची संयुक्त कारवाई

धनराजसिंह शेखावत - आमचा विदर्भ प्रतिनिधी

गडचांदूर -

महाराष्ट्रात सध्या कोविड १९ चा वाढता पादुर्भाव लक्षात घेत शासनाने मास्क लावणे अनिवार्य केलें असताना गडचांदुर शहरात व नांदा फाटा येथील अनेक नागरिक विनामास्कने वावरत असतांना अनेक ठिकाणीं उपविभागीय पोलीस अधिकारी नायक यांच्या मार्गदर्शनाखाली ठाणेदार गोपाल भारती, गडचांदूर नगर परिषदेचे अधिकारी, नांदा फाटा येथे ग्रामपंचायतीतील कर्मचारी आणि पोलीस कर्मचारी यांच्या संयुक्त पथकाने कारवाही करत हजारों रुपयांचा दंड वसूल केला. गडचांदूरात २११०० रुपयांचा दंड आकारण्यात आला आहे. तर नांदा फाटा येथील आकडा कळू शकला नाही. सोबतच वाहतुकीचे नियम मोडणाऱ्या  ३० वाहन चालका विरुद्ध मोटार वाहन कायदा अन्वये कारवाही करण्यात आली. 

तालुक्यातील मुख्य ठिकाण असलेल्या गडचांदुर, नांदा या ठिकाणी प्रशासनाने मोहीम राबवित मोठी कारवाही केली. सोबतच मास्क लावण्याची व सामायिक अंतर जोपासनाची जनजागृती सुद्धा केली. यावेळेस ठाणेदार गोपाल भारती, नगर परिषदेचे नगर परिषद व पोलीस विभागाचे कर्मचारी कर्मचारी उपस्थित होते.