कोणाच्या आशीर्वादाने मोखाळयात दारुचा महापुर?

कुमारी पौर्णिमा फाले तालुका प्रतिनिधी

सावली -

एकीकडे राजुरा तालुक्यातील खर्रा वाटून खाणारे 6 मित्र पॉसिटीव्ह झाल्याचे उदाहरण ताजे असतांना मात्र सावली तालुक्यातील मोखाळा येथे मागिल काही दिवसांपासुन अवैध दारूविक्रीने कळस गाठला आहे. सध्या राज्यात संचारबंदी असूनही मोखाळा येथे दामदुप्पट दराने अवैध दारूविक्री होतं आहे. येथील एका विक्रीत्या कडुन विदेशी दारू ४०० ते ४५० रूपये प्रति तर देशी दारू ७० ते ८० रुपये टिलु या दराने विक्री केली जात आहे. गावापासून जवळ असलेल्या व्याहाड खुर्द येथे पोलीस चौकी आहे मात्र सावली पोलीस आणि व्याहाड खुर्द चौकीतील पोलिसांचे या अवैध दारूविक्रीला अभय तर नाही ना अशी कुजबुज परिसरात जोमाने सुरु आहे. वरिष्ठ पोलीस अधिकारी याकडे लक्ष देऊन स्थानिक गुन्हे शाखेमार्फत धाड टाकून अवैध दारु विक्रेत्यावर कडक कार्यवाही करावी अशी मागणी नागरिकांनी विशेषतः महिलांनी केली आहे.