तालुक्यातील 50 ग्राम पंचायता पैकी अनेक ग्राम पंचायती सरपंचा विना

• सरपंच विना उपसरपंचाला मिळाली पावर
• जाती निहाय सरपंच आरक्षण सोडतीतील सावळा गोंधळ
  

आमचा विदर्भ - ब्युरो रिपोर्ट्स

सावली -

मिनी मंत्रालयाच्या निवडणुकीचे सुप वाजले, निवडणुका शांततेत पार पडल्या सोबतच सरपंच पदाचे आरक्षण सोडती नंतर सरपंच विराजमान झाले. मात्र काही ग्राम पंच्यायत मधे जाती निहाय सरपंच आरक्षण सोडतीत काहीसा गोंधळ झाल्याने तालुक्यातील अनेक ग्राम पंचायत सरपंचविना अधुऱ्या असल्याचे दिसून येत आहे. 

मागील महिन्यात सावली तालुक्यातील ५० ग्रामपंचायतीची सार्वत्रिक निवडणुक झाली व त्यानंतर सरपंच पदाचे आरक्षण सोडत निघाली, तिन ट्प्पयात सरपंच पदाची निवडणुक घेण्यात आली होती. परंतु सरपंच पदाचे आरक्षण पडल्यानंतर तालुक्यातील काही ग्रामपंचायतीमध्ये त्या प्रवर्गाचे उमेदवार नसल्याने सरपंच पद रिक्त ठेऊन उपसरपंच पदाची निवडणुक घेण्यात आली. परंतू एक महिन्यांचा कालावधी लोटूनही काही ग्रामपंचायतीचा सरपंच विना कारभार चाललेला दिसत आहे. 

तालुक्यात ग्रामपंचतीची सार्वत्रिक निवडणुक व त्यानंतर सरपंच पदाचे आरक्षण व सरपंच पदाची निवडणुक कार्यक्रम आटोपला परंतु यात सावली तालुक्यातील व्याहाड बुज, जिबगांव, लोंढोली, वाघोली बुट्टी, साखरी, निमगांव, बेलगांव, पारडी आदी गावासोबत काही ग्रामपंचायत मध्ये सरपंच विना कारभार दिसुन येत आहे. या ग्रामपंचायतीत जे सरपंच पदाची आरक्षित सोडत निघाली त्या प्रवर्गाचा निवडणुक आलेला सदस्य नसल्याने सरपंच पद रिक्त ठेऊन उपसरपंच पदाची निवडणुक घेण्यात आली. आता या ग्रामपंचायतीत नविन सुधारीत सरपंच पदाचे आरक्षण जाहीर करुन निवडणुक घ्यावी अशी एकमुखी मागणी संबंधित ग्रामपंचायतीतील सदस्यासह गावकरी करीत आहेत.