९ वर्षापासुन जमिनीचा मोबदला व नौकरीची मागणी

• संतप्त प्रकल्पग्रस्तांनी केले तब्बल ७ तास कोळसा रोको आंदोलन
• एक महिन्यात मागणी पूर्ण करण्याचे लेखी आश्वासन

अनिल गंपावार - आमचा विदर्भ तालुका प्रतिनिधी

राजुरा -

तालुक्यातील वेकोलीच्या बल्लारपूर क्षेत्रातील सास्ती, धोपटाला व कोलगाव येथील प्रकल्पग्रस्त शेतकर्‍यांना मोबदला व नौकरी द्यावी या प्रमुख मागणीसाठी सास्ती कोळसा खाणीतून निघून बाहेर जाणारी कोळसा वाहतुक आज सकाळपासून प्रकल्पग्रस्त शेतकर्‍यांनी बंद केली. या रास्ता रोको आंदोलनामुळे सकाळी सात वाजेपासून सास्ती चेकपोस्ट वरून कोळसा वाहतुक पूर्णपणे ठप्प झाली. दुपारी दोन वाजता वेकोलि अधिकार्‍यांनी आंदोलनकाऱ्यांची मागणी मान्य करीत एक महिन्यात प्रकल्पग्रस्तांना मोबदला व नौकरी देण्याचे लेखी आश्वासन दिले. त्यानंतर हे आंदोलन मागे घेण्यात आले.

राजुरा तालुक्यातील सास्ती भूमिगत खाणीचे रूपांतर करून तिला धोपटाळा ओपन कास्ट कोळसा खाणीत परिवर्तीत करण्याचा प्रस्ताव नऊ वर्षापूर्वी सादर करण्यात आला होता. यानंतर सर्व सोपस्कार होऊन बेअरींग अ‍ॅक्ट लागु झाला. प्रकल्पात सास्ती, कोलगाव व मानोली या तीन गावातील शेतकर्‍यांची जमीन अधिग्रहित करण्यात आली. गेल्या चार वर्षापासुन हे भिजत घोंगडे सुरू आहे. वेकोलिच्या बल्लारपूर क्षेत्रात या खाणीचे उदघाटन करून तीन शेतकर्‍यांना मोबदला देण्यात आला. मात्र पुन्हा वेकोलि अधिकारी बाकी प्रकल्पग्रस्त शेतकऱ्यांना मोबदला व नौकरी देण्यासाठी टाळाटाळ करीत होते. पंधरा दिवसापुर्वी सास्ती व कोलगाव ग्रामपंचायतीनी ठराव पारित करून आंदोलनाची पूर्व सूचना दिली. मात्र काही फायदा झाला नाही. अखेर संतप्त प्रकल्पग्रस्तांनी आज सकाळी आठ वाजता पासूनच कोळसा वाहतुक करणारे ट्रक रोखून धरले. दुपारी दोन वाजेपर्यंत आंदोलन सुरू होते. या काळात आंदोलकांशी तीन वेळा चर्चा झाली. शेवटी क्षेत्रीय नियोजन अधिकारी जी.पुलय्या, क्षेत्रीय कार्मिक प्रबंधक समीर बारला व  क्षेत्रीय सुरक्षा अधिकारी टी. कृष्णा यांनी दोन वाजता मुख्य महाप्रबंधक सब्यसाची डे यांचे मागण्या मान्य करीत असल्याचे पत्र आंदोलकांना सोपविले. 

या आंदोलनाचे नेतृत्व सास्तीचे सरपंच रमेश पेटकर व उपसरपंच कुणाल कुडे, कोलगाव सरपंच अनिता पिंपळकर व उपसरपंच पुरुषोत्तम लांडे यांनी केले. या आंदोलनात शेतकरी संघटनेचे नेते माजी आमदार अँड. वामनराव चटप, माजी आमदार अँड. संजय धोटे, जिप सभापती सुनील उरकुडे, माजी सभापती सरिता कुडे, वासुदेव बुटले, नरसिंग मादर, मधुकर नरड, धोंडू तपासे, प्रकाश भटारकर, गणेश चन्ने, विलास भटारकर, गणपत काळे, भाऊराव मांडवकर, सचिन शेंडे,  कपिल ईद्दे, श्रीधर मोहितकर, अक्षय निब्रड, संजय पायघन, राजू पिंपळकर, चंदू दिवसे, प्रदीप बोबडे, बालाजी पिंपळकर, वैभव अडवे, बालाजी कुबडे, खुशाल अडवे, प्रभाकर नळे, गणेश चन्ने, मधुकर नरड, संतोष चन्ने, वासुदेव बुटले, संतोष शेंडे, अक्षय निब्रड, राजु दिवशे, राजु निषाद, दिनेश वैरागडे, दिलीप बुटले, प्रभाकर सोनटक्के, तपासे, अनील बोनगीरवार, गणपत काले, महेश लांडे, राजु भटारकर, दिलीप नरड, किशोर लोहबडे, आकाश चन्ने, वैभव अडवे, किशोर कुडे, राकेश चन्ने, विलास भटारकर, नितीन भटारकर, सचिन चन्ने, मारोती लांडे, दत्ता कुडे, प्रमोद पेटकर, सौ. कमल शेंडे, मंदा चन्ने, माया यज्ञुरवार, वरलाबाई चन्ने, चंदा कुड़े, मालू यज्ञुरवार यांच्यासह शेकडो पुरुष, युवक व महिला मोठ्या संख्येने सहभागी झाले. सास्ती, कोलगाव, धोपटाला, मानोली येथील गावकरी आणि प्रकल्पग्रस्त मोठ्या हिरीरीने आंदोलनात उतरले होते.