विरुर येथील युवकांनी वाहिली शहिद जवानांना श्रध्दांजली

तिरुपती नल्लाला - आमचा विदर्भ प्रतिनिधी

विरूर स्टेशन -

गत वर्षी 14 फेब्रुवारी व्हॅलेंटाईन डे च्या दिवशी जम्मू काश्मीर येथील पुलवामा येथे अतिरेक्यांकडून झालेल्या भ्याड हल्ल्यात भारतीय जवान शहीद झाले होते. त्या शहीद जवानांना विरुर येथील युवकांनी व शालेय विद्यार्थ्यांनी कॅडल मार्च काढून श्रद्धांजली वाहिली. 

छत्रपती शिवाजी चौकात दीप उजडून शाहिदाना नमन केले व त्यानंतर कँडल मार्च काढण्यात आला. कँडल मार्च बस स्टॅन्ड चौकात नेत शेकडो युवकांनी मेणबत्ती लावून व राष्ट्रगीत घेऊन वीर शाहिद जवानांना श्रद्धांजली वाहिली. यावेळी तुषार मोरे, शाहू नारनवरे, योगेश बक्षी, अविनाश रामटेके, संतोष दुर्गे, प्रदीप देठे, संतोष श्रीकोंडावर, सचिन फटाळे, प्रज्वल येरोजवार, बाबी जयस्वाल, बाबू शेख, स्वप्निल भोसकर हे प्रामुख्याने उपस्थित होते.