छट पूजा भक्तिभावाने साजरी

अशोक राव - आमचा विदर्भ प्रतिनिधी
राजुरा -
उत्तर भारतीय समाजात कार्तिक शुक्ल षष्टीला भक्तिभावाने छट पूजा साजरी करण्यात आली. छटपूजेनिमित्त वर्धा नदीच्या घाटावर आरती करण्यात आली. यानिमित्त नदी संवर्धनाचा संकल्पही करण्यात आला.  या वेळी कार्यकारी नगराध्यक्ष सुनील देशपांडे, बल्लारपूरचे नगराध्यक्ष हरीश शर्मा, युवक काँग्रेसचे अध्यक्ष अशोक राव यांनी सूर्य देवाला अर्घ देऊन दिवा अर्पित करण्यात आला.
"छट पूजा" हि उत्तरभारतातील स्त्रीया करिता असलेली एक प्रकारची सूर्यपूजा आहे. छटव्रत स्वीकारून हि पूजा करण्यात येते. या व्रतदारम्यान स्त्रिया निर्जल उपवास करतात व सूर्याला अर्घ देऊन हा उपवास सोडतात. हा व्रत सौभाग्य, समृद्धीसाठी करण्यात येतो. सायंकाळी सहाच्या मुहूर्तावर भाविकांनी सूर्यनारायणाला अर्ध्य दिले. दिवाळीनंतर सहाव्या दिवशी सूर्य नारायणाची उपासना आणि पूजा करून गुणगाण गायले. या वर्षी पदाधिकारी आणि कार्यकर्त्यांनी उत्स्फूर्तपणे स्वच्छता अभियान राबविले. कार्यक्रमाच्या संयोजनासाठी युवकांनी पुढाकार घेतला.