"१२३ रक्तदात्यांनी दिला जीवनदानाचा संदेश!"

"१२३ रक्तदात्यांनी दिला जीवनदानाचा संदेश!"

"यहोवा यिरे फाउंडेशनचे रक्तदान शिबिर – युवकांचा भरघोस प्रतिसाद"

आमचा विदर्भ - अनंता गोखरे

चंद्रपूर (दि. ०७ जून २०२५) -

        यहोवा यिरे फाऊंडेशनच्या ७व्या वर्धापनदिनानिमित्त आणि जागतिक पर्यावरण दिनाचे औचित्य साधून रक्तदान शिबीर आयोजित करण्यात आले. या शिबिरात १६३ नागरिकांनी आरोग्य तपासणी करून “चेकअप कॅप” प्राप्त केली, तर त्यातील १२३ जणांनी उत्स्फूर्तपणे रक्तदान करून समाजाप्रती आपली बांधिलकी सिद्ध केली.

        या उपक्रमाचे आयोजन यहोवा यिरे फाउंडेशनचे सीईओ डॉ. रमेशकुमार बोरकुटे यांच्या मार्गदर्शनाखाली करण्यात आले होते. फाऊंडेशनच्या अध्यक्षा एलिजा बोरकुटे व त्यांच्या चमूने परिश्रम घेऊन संपूर्ण शिबिराचे यशस्वी नियोजन आणि अंमलबजावणी केली. कार्यक्रमाच्या यशस्वीतेसाठी स्थानिक वैद्यकीय अधिकारी, स्वयंसेवक आणि नागरिकांचे विशेष सहकार्य लाभले. रक्तदानाच्या माध्यमातून अनेक गरजू रुग्णांचे प्राण वाचवण्याच्या या पवित्र कार्यात चंद्रपूरकरांनी मोठ्या प्रमाणात सहभाग नोंदवून एक आदर्श घालून दिला. यहोवा यिरे फाऊंडेशन हे सामाजिक, वैद्यकीय आणि आध्यात्मिक क्षेत्रात कार्यरत असून, अशा सेवाभावी उपक्रमांद्वारे समाजाच्या उत्थानासाठी सातत्याने प्रयत्नशील आहे.