श्री शिवाजी महाविद्यालयात कॅन्सर जनजागृती शिबिर

• श्री शिवाजी महाविद्यालयात कॅन्सर जनजागृती शिबिर

आमचा विदर्भ - ब्युरो रिपोर्ट्स

राजुरा -

श्री शिवाजी कला वाणिज्य व विज्ञान महाविद्यालय राजुरा येथील राष्ट्रीय सेवा योजना पथक, शारीरिक शिक्षण व क्रीडा विभाग आणि स्टॉप कॅन्सर मिशनच्या संयुक्त विद्यमाने कॅन्सर जनजागृती शिबिराचे आयोजन करण्यात आले. या शिबिराला मार्गदर्शक म्हणून स्टॉप कॅन्सर मिशनचे समन्वयक अजय ठाकरे यांनी मार्गदर्शन केले. कॅन्सर होण्याचे कारणे, कॅन्सर होऊ नये यासाठी उपाययोजना आणि झाला तर काय केले पाहिजे. यासोबतच कॅन्सर ची भीती न बाळगता निदान झाले तर लवकरात लवकर उपचार सुरू करावे असेही यावेळी सांगितले. 

या कार्यक्रमास अध्यक्ष म्हणून महाविद्यालयाचे प्राचार्य डॉ. संभाजी वारकड तसेच प्रमुख उपस्थिती IQAC समन्वयक डॉ. मल्लेश रेड्डी, शिवाजी हायस्कूल चे मुख्याध्यापक डांगे उपस्थित होते. तसेच आयोजक शारीरिक शिक्षण व क्रीडा विभागाचे संचालक डॉ रायपुरे, रासेयो कार्यक्रम अधिकारी तथा इतिहास विभाग प्रमुख प्रा. गुरुदास बलकी तसेच महाविद्यालयातील सर्व प्राध्यापक वर्ग व शिक्षकेतर कर्मचारी उपस्थित होते. संचालन डॉ आनंद रायपुरे यांनी तर आभार प्रा. गुरुदास बलकी यांनी केले.