गरजू व विधवा महिलांना इनरव्हील क्लब ऑफ राजूराचा मदतीचा हात

• गरजू व विधवा महिलांना इनरव्हील क्लब ऑफ राजूराचा मदतीचा हात
• मकर संक्रांति दिनी भेटवस्तू वितरित

आमचा विदर्भ - ब्युरो रिपोर्ट्स

राजुरा -

इनरव्हील क्लब ऑफ राजुराने सामाजिक कार्यात आपली जबाबदारी पार पाडत गरजू तसेच विधवा महिलांना जीवनापयोगी भेट्वस्तू साहित्याचे वाटप मकर संक्रांतीचे औचित्य साधून केले. यावेळी इनरव्हील क्लबच्या अध्यक्षा स्वरूपा झंवर म्हणाल्या की, समाजात राहणाऱ्या गरजू लोकांना आपण मदत करू शकतो हा या क्लबचा उद्देश आहे. कोविड-19 मुळे अशा महिलांना मदतीची अधिक गरज आहे. 

यासोबतच स्थानिक संकटमोचन हनुमान मंदिरात झालेल्या या छोटेखानी कार्यक्रमात शिवाजी हायस्कूलच्या शिक्षिका कृतिका सोनटक्के यांचा सेवा निवृत्ती निमित्याने सत्कार करण्यात आला. यावेळी अध्यक्षा स्वरूपा झंवर, सचिव शुभांगी वाटेकर आणि कृतिका सोनटक्के यांनी आपले मनोगत व्यक्त केले. कार्यक्रमाच्या यशस्वितेकरिता सुषमा सुब्बा, वृषाली बोनगिरवार, शुभांगी वाटेकर, राधा विरमलवार, राधिका धनपावडे, ज्योती जावरे, आसावरी बोनगिरवार, अर्चना शिंदे, प्रणिता धाबे, स्मिता बोनगिरवार यांनी परिश्रम घेतले.