चिचपल्ली येथील बांबू प्रशिक्षण केंद्राला भीषण आग

• कामगार कर्मचारी सुरक्षित
• लाखोंचे नुकसान

रमेश निषाद - आमचा विदर्भ प्रतिनिधी

बल्लारपूर -

चंद्रपूर जिल्ह्यातील चिचपल्ली येथील कोट्यवधी रुपये खर्च करून उभारलेले बांबू प्रोजेक्ट आज आकस्मिक आग लागल्याने धाराशाही झाला. अतिशय महत्वाकांक्षी असलेल्या या प्रोजेक्टमध्ये शेकडो लोकांना रोजगार मिळणार होता पण उद्घाटनाच्या प्रतीक्षेत असलेल्या प्रोजेक्टला आग लागल्याने कोट्यावधी रुपयाचे नुकसान तर झालेच पण यावर शेकडो लोकांचा रोजगार गेल्याने सर्वत्र हळहळ व्यक्त होत आहे. या बांबू प्रोजेक्ट ला आग लागली कशी? की यामागे काही षडयंत्र आहे हे चौकशीतून समोर येईलच पण या घटनेमुळे बांबू प्रोजेक्ट व्यवस्थापणावर प्रश्नचिन्ह निर्माण झाले आहे. सुदैवाने या आगीत कोणतीही जीवित हानी झाली नाही. मात्र लाखोंचे नुकसान झाल्याचे प्राथमिकदृष्ट्या निदर्शनास येत आहे.