जिजामाता कृषी भूषण पुरस्कारप्राप्त शेतकरी महिलेचा आगळावेगळा वाढदिवस

शेतमजुरांच्या प्रेमाने कापसाचे शेत बनले आनंदाचे ठिकाण

आमचा विदर्भ - अनंता गोखरे

राजुरा – १६ सप्टेंबर २०२६

        महाराष्ट्र शासनाच्या कृषी विभागाचा २०२२-२३ सालचा सर्वोच्च मानला जाणारा जिजामाता कृषी भूषण पुरस्कार प्राप्त प्रगतशील महिला शेतकरी विमलादेवी वाघुजी गेडाम यांचा ६४ वा वाढदिवस यंदा आगळ्यावेगळ्या पद्धतीने शेतात साजरा करण्यात आला. दि. १५ सप्टेंबर २०२६ रोजी कापसाच्या पिकात काम करणाऱ्या शेतमजुरांनी त्यांच्या हस्ते केक कापून वाढदिवसाचा आनंद साजरा केला.

शेतकरी आणि शेतमजुरांमधील जिव्हाळ्याचे नाते

          शेतीच्या कामात शेतमजुरांचे योगदान महत्त्वाचे असते. याच भावनेतून विमलादेवी गेडाम यांनी आपल्या शेतात काम करणाऱ्या मजूर वर्गाशी नेहमीच आपुलकीचे संबंध जपले आहेत. विशेषतः बामनवाडा परिसरातील आदिवासी महिला व शेतमजूर यांच्यासोबत त्यांचे जिव्हाळ्याचे संबंध आहेत. वाढदिवसानिमित्त शेतात कापसाच्या पिकात खत टाकण्याचे काम सुरू असताना कामगारांनी विमलादेवी गेडाम यांचा वाढदिवस साजरा करण्याचे ठरविले. मालकीण म्हणून नव्हे तर आईसमान मानणाऱ्या कामगारांनी शेतातच केक कापून त्यांना शुभेच्छा दिल्या.

शेतमजुरांच्या हस्ते केक कापून शुभेच्छा

        या वाढदिवस सोहळ्यात बामनवाडा परिसरातील आदिवासी महिला व शेतमजूर तसेच बिरसा मुंडा इंडियन, राजुरा येथील डिलिव्हरी बॉय व गोदाम कीपर वसीम, ऑफिसमधील कम्प्युटर ऑपरेटर संजय कोपरे, सोनेराव आत्राम, राजू आत्राम यांच्यासह शेतकरी व कामगार वर्ग सहभागी झाला. दिवसभर शेतातील कामात व्यस्त असलेल्या कामगारांनी आपल्या मालकीणीचा वाढदिवस शेतातच साजरा करून आपुलकीचे दर्शन घडविले. यावेळी उपस्थितांनी विमलादेवी गेडाम यांना वाढदिवसाच्या शुभेच्छा दिल्या.

‘शेतकरी सुखी तर सारा देश सुखी’चा विचार

        शेती आणि शेतकरी हा देशाच्या अर्थव्यवस्थेचा महत्त्वाचा आधार आहे. ‘शेतकरी सुखी तर सारा देश सुखी’ हा विचार मनाशी बाळगून विमलादेवी गेडाम यांनी शेती क्षेत्रात सातत्याने काम केले आहे. त्यांच्या कृषी क्षेत्रातील योगदानाची दखल घेत महाराष्ट्र शासनाच्या कृषी विभागाकडून २०२२-२३ मध्ये जिजामाता कृषी भूषण पुरस्काराने त्यांचा गौरव करण्यात आला आहे.

कुटुंबीयांचीही उपस्थिती

        शेतात झालेल्या या अनोख्या वाढदिवस सोहळ्यात गेडाम कुटुंबातील सदस्यही सहभागी झाले. नातवंडे, तीन मुली, मुलगा, सून, जावई तसेच वाघोजी गेडाम यांच्यासह कुटुंबीयांनी विमलादेवी गेडाम यांना वाढदिवसाच्या शुभेच्छा दिल्या.

शेतमजुरांच्या प्रेमाने भारावल्या विमलादेवी

        शेतात काम करणाऱ्या कामगारांनी स्वतःहून वाढदिवसाचे आयोजन करून केक कापल्याने विमलादेवी गेडाम यांचा आनंद द्विगुणित झाला. शेतकरी आणि शेतमजूर यांच्यातील नाते केवळ कामापुरते मर्यादित नसून त्यामध्ये आपुलकी, विश्वास आणि कौटुंबिक जिव्हाळा असू शकतो, याचे उदाहरण या उपक्रमातून पाहायला मिळाले. या आगळ्यावेगळ्या वाढदिवसानिमित्त शुभेच्छा देणाऱ्या सर्व कामगार बंधू, भगिनी, कुटुंबीय आणि चाहत्यांचे विमलादेवी गेडाम यांनी आभार मानले.

#VimaladeviGedam #JijamataKrushiBhushan #JijamataKrushiBhushanAward #ProgressiveFarmer #WomenFarmer #WomenFarmers #FarmerNews #AgricultureNews #Rajura #RajuraNews #Chandrapur #ChandrapurNews #Vidarbha #VidarbhaNews #CottonFarming #CottonFarmer #Kisan #Sheti #Shetkari #Shetmajur #AgricultureMaharashtra #MaharashtraAgriculture #महिलाशेतकरी #प्रगतशीलशेतकरी #जिजामाताकृषीभूषण #कृषीपुरस्कार #शेतकरी #शेतमजूर #कापूसशेती #कापूसउत्पादक #राजुरा #राजुरान्यूज #चंद्रपूर #चंद्रपूरन्यूज #विदर्भ #शेतकरीसुखीतरसारादेशसुखी