लक्ष्मी नृसिंह जयंतीनिमित्त भजन स्पर्धा; नव्या पदाधिकाऱ्यांचा सन्मान

दत्त मंदिरात जयंती उत्सव; राजकीय व सामाजिक मान्यवरांची उपस्थिती

आमचा विदर्भ - अनंता गोखरे 

बल्लारपूर (दि. ५ मे २०२६) -

        बल्लारपूर शहरातील झाकीर हुसेन वॉर्ड येथे स्थित दत्त मंदिरात लक्ष्मी नृसिंह जयंती मोठ्या उत्साहात आणि भक्तिभावाने साजरी करण्यात आली. यावेळी मंदिर परिसरात धार्मिक वातावरण निर्माण झाले होते. जयंतीनिमित्त भजन स्पर्धेचे आयोजन करण्यात आले होते. या स्पर्धेत बल्लारपूर शहर तसेच ग्रामीण भागातील विविध भजन मंडळांनी सहभाग घेतला. सहभागी भजन गटांनी सादर केलेल्या भक्तीगीतांमुळे परिसर भक्तिरसात न्हाऊन निघाला. बक्षीस वितरण व सत्कार समारंभासाठी माजी खासदार आणि कामगार नेते नरेश बाबू पुगलिया प्रमुख पाहुणे म्हणून उपस्थित होते. त्यांच्या हस्ते विजेत्या भजन गटांना पारितोषिकांचे वितरण करण्यात आले.

        यानंतर नवनिर्वाचित नगर परिषद पदाधिकाऱ्यांचा सत्कार करण्यात आला. माजी खासदार आणि कामगार नेते नरेश बाबू पुगलिया यांच्या हस्ते नगर परिषद अध्यक्षा डॉ. अलका अनिल वाढई, माजी नगराध्यक्ष घनश्याम मूलचंदानी, लखन सिंह चंदेल, माजी नगरसेविका रेणूका दूधे, नगरसेवक डॉ. सुनील कुलदीवार, सिक्की यादव, अब्दुल करीम शेख, मेघा भाले, मोना धानोरकर, सुनीता जीवतोडे यांचा शाल व नारळ देऊन सन्मान करण्यात आला. कार्यक्रमाचे संचालन प्रणय काकडे यांनी केले. कार्यक्रम यशस्वी करण्यासाठी दत्त मंदिर समितीचे अध्यक्ष अशोक गुप्ता, उपाध्यक्ष देवेंद्र आर्य, सचिव मारुती मोंडे, सहसचिव शिवचंद द्विवेदी तसेच इतर पदाधिकारी आणि सदस्यांनी परिश्रम घेतले.

#BallarpurNews #LakshmiNrusimhaJayanti #DattMandir #BhajanCompetition #ReligiousEvent #NareshPugalia #AlkaWadhai #ChandrapurNews #MaharashtraEvents #BhaktiSangeet #नगरपरिषद #धार्मिककार्यक्रम #भजनस्पर्धा #BallarpurCity  #LocalNewsMarathi #chandrapurnews #chandrapurcity #chandrapur #aamchavidarbha #vidarbha