लहानग्या अधीरची मोठी कामगिरी; नागपूरमध्ये गोल्ड मेडल

मर्यादांवर मात करत अधीरचा स्केटिंगमध्ये सुवर्ण झेंडा

आमचा विदर्भ - अनंता गोखरे 

नागपूर (दि. ५ मे २०२६) -

        महाराष्ट्र दिनाच्या औचित्याने इंडियन स्केटिंग अकॅडमी यांच्या वतीने तसेच नागपूर महानगरपालिकेच्या क्रीडा व सांस्कृतिक विभागाच्या सहकार्याने आयोजित करण्यात आलेल्या भव्य इन्व्हिटेशनल स्केटिंग स्पर्धेला खेळाडू, पालक आणि क्रीडाप्रेमी नागरिकांचा उत्स्फूर्त प्रतिसाद लाभला. स्पर्धास्थळी मोठ्या प्रमाणात प्रेक्षकांची उपस्थिती होती. या स्पर्धेत विविध वयोगटातील खेळाडूंनी सहभाग घेत आपले कौशल्य सादर केले. लहानग्या खेळाडूंच्या वेगवान आणि जोशपूर्ण कामगिरीमुळे संपूर्ण वातावरण उत्साहपूर्ण आणि रोमांचक बनले होते. विशेषतः ० ते ६ वयोगटात चंद्रपूर येथील खेळाडू अधीर जुन्नावार याने उत्कृष्ट कामगिरी करत प्रथम क्रमांक पटकावत गोल्ड मेडल मिळविले. त्याच्या वेग, संतुलन आणि आत्मविश्वासपूर्ण सादरीकरणाने उपस्थित प्रेक्षकांची मने जिंकली.

        चंद्रपूर शहरात अद्याप अत्याधुनिक स्केटिंग ग्राउंडची सुविधा उपलब्ध नसतानाही येथील खेळाडू जिद्द, मेहनत आणि चिकाटीच्या जोरावर मोठ्या स्पर्धांमध्ये यश मिळवत आहेत, हे अधीरच्या कामगिरीतून पुन्हा अधोरेखित झाले. मर्यादित साधनसामग्री असूनही चंद्रपूरमधील खेळाडू कोणत्याही बाबतीत कमी नाहीत, हे या स्पर्धेतून स्पष्ट झाले. या स्पर्धेमुळे लहान वयातच क्रीडाप्रती आवड निर्माण होत असून खेळाडूंना योग्य व्यासपीठ मिळत आहे. पालकांनीही आपल्या मुलांच्या सहभागाला उत्साहाने प्रोत्साहन दिले. या यशाबद्दल प्रशिक्षक विनोद निखाडे, पालक तसेच उपस्थित मान्यवरांनी अधीर जुन्नावारचे अभिनंदन करत त्याच्या उज्ज्वल भविष्यासाठी शुभेच्छा दिल्या.

#AdhirJunnawar #NagpurSkatingCompetition #ChandrapurTalent #SkatingChampion #GoldMedalWinner #MaharashtraSports #YoungTalent #IndianSkatingAcademy #NagpurSports #ChandrapurNews #SkatingIndia #KidsSports #Inspiration #SportsNewsMarathi #MaharashtraDay #chandrapurnews #chandrapurcity #chandrapur #aamchavidarbha #vidarbha