निर्भीड आणि सत्यवादी व्यक्तिमत्वामुळे मिळतोय मोठा प्रतिसाद
आमचा विदर्भ - दीपक शर्मा
राजुरा (दि. २२ नोव्हेंबर २०२५) -
राजुरा नगर परिषद निवडणूक २०२५ च्या पार्श्वभूमीवर प्रभाग क्रमांक ७(अ) मध्ये राष्ट्रवादी काँग्रेस पार्टी अजित पवार गटाकडून केबल व्यवसायात तीन दशकांहून अधिक काळ नाव कमावलेले उमेदवार अजीज इस्माईल शेख यांच्या उमेदवारीला मतदारांचा उत्स्फूर्त प्रतिसाद मिळत आहे. जवळपास ३५ वर्षांपासून डिश टीव्ही व केबल ऑपरेटर म्हणून घराघरात पोहोचलेले अजीज इस्माईल शेख हे सर्वांसोबत मिसळून जाणारे, प्रेमाने संवाद साधणारे आणि सौजन्यशील व्यक्तिमत्व म्हणून ओळखले जातात.
केबल व्यवसायामुळे त्यांची वार्डातील प्रत्येक घराशी वैयक्तिक ओळख असल्याने ते नागरिकांच्या सुखदुःखात सतत सहभागी राहिले. लहान असो वा मोठा, प्रत्येकाशी एकसमान वागणूक ठेवणारे अजीज भाई हे प्रभागातील सर्वांचेच आवडते व्यक्तिमत्व आहे. राजकारणातही ते अनेक वर्षांपासून सक्रिय असून वार्डातील नागरिकांचे पाणी, जलनिस्सारण, रस्ते, प्रकाशव्यवस्था, शैक्षणिक अडचणी यांसारखे विविध प्रश्न सोडवित आले आहेत.
अजीज इस्माईल शेख यांच्या कुटुंबाचीही उल्लेखनीय ओळख आहे. त्यांचा मोठा मुलगा पोलिस खात्यात सायबर क्राइम मध्ये कार्यरत आहे, तर दुसरा मुलगा शोएब हा दुबई येथील क्विकलिफ एअर अँबुलन्स सर्व्हिसेस या आंतरराष्ट्रीय कंपनीचा संस्थापक आहे. शोएब शेख याचा नुकताच १७ सप्टेंबर रोजी ''राजुरा भूषण'' पुरस्काराने सत्कार करण्यात आलेला आहे. उच्च शिक्षित आणि यशस्वी मुलांचा पिता असल्याचा अभिमान अजीज भाईंच्या व्यक्तिमत्वात स्पष्ट दिसून येतो. अशी संस्कारवंत, प्रामाणिक आणि कुटुंबप्रेमी व्यक्ती वार्डाच्या विकासासाठी नक्कीच समर्पितपणे काम करेल, असा नागरिकांचा दृढ विश्वास आहे. अजीज इस्माईल शेख हे निर्भीड, सत्याचा मार्ग निवडणारे आणि कोणाच्याही दबावाला न जुमानणारे सरळ–सोड व्यक्तिमत्व आहे. वार्डातील सर्वसामान्य नागरिकांना न्याय मिळवून देणे, प्रभागाचा सर्वांगीण विकास करणे आणि युवकांना रोजगाराच्या संधी उपलब्ध करून देणे, हा त्यांचा ठाम संकल्प आहे.
राजुरा शहरात वाढत्या नागरी समस्यांना तोडगा काढण्यासाठी मजबूत, जागरूक आणि अनुभवसंपन्न लोकप्रतिनिधीची गरज असल्याचे नागरिकांमध्ये मत व्यक्त होत आहे. अशा परिस्थितीत तीन दशकांचा सामाजिक संपर्क, जनतेशी असलेली अथांग जिव्हाळ्याची नाळ आणि विकासासाठी असलेला दृढनिश्चय यामुळे अजीज इस्माईल शेख यांची उमेदवारी प्रभागात सर्वाधिक चर्चेत आहे.
निवडणूक तोंडावर आली असताना विविध समाजघटकात, व्यापारी वर्गात, तरुणांमध्ये, महिलांमध्ये त्यांच्या उमेदवारीबाबत सकारात्मक चर्चा सुरू असून, "हा माणूस निवडून आला तर राजुरातील सामान्य माणसाचे भविष्य उजळेल" असा विश्वास वार्डातील बहुसंख्य नागरिकांनी व्यक्त केला आहे.
#AjijShaikh #RajuraElection2025 #Ward7A #NCPAjitPawarGroup #TeamAjijBhai #RajuraDevelopment #RajuraNagarParishad #PeopleFirst #TrustedLeader #GrassrootConnect #VoteForDevelopment #RajuraUpdates #chandrapurnews #chandrapurcity #chandrapur #aamchavidarbha #vidarbha

टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.