Aamacha Vidarbha Aamacha Vidarbha Author We publish the news of Vidarbha level prominently on our website. If you are interested in doing digital journalism then you can join us. We also work for our advertisers to reach their advertisements to thousands of readers every day. any suggestion please message this mobile number 9975977378 email - samarthbharat3@gmail.com
Title: आदित्य भाके यांची प्रचारात दणदणीत मुसंडी
Author: Aamacha Vidarbha
Rating 5 of 5 Des:
दहा नगरसेवक उमेदवारांसह राष्ट्रवादी मैदानात वाढलेल्या करांवर उपाय, पावसात घरात घुसणाऱ्या पाण्याला थेट वाचा, स्थानिक तरुणांना रोजगार आमचा विद...
दहा नगरसेवक उमेदवारांसह राष्ट्रवादी मैदानात
वाढलेल्या करांवर उपाय, पावसात घरात घुसणाऱ्या पाण्याला थेट वाचा, स्थानिक तरुणांना रोजगार
आमचा विदर्भ - राजुरा (दि. २४ नोव्हेंबर २०२५) -
        राजुरा नगर परिषद निवडणूक २०२५ मध्ये राष्ट्रवादी काँग्रेस पार्टी अजित पवार गटाकडून नगराध्यक्ष पदाकरिता उमेदवार आदित्य भाके यांनी प्रचाराची घनगर्जना सुरू केली असून त्यांच्या प्रचार मोहीमेला नागरिकांचा व्यापक पाठिंबा मिळत आहे. वार्डावार्डात फिरत ते थेट नागरिकांशी संवाद साधत आहेत. अनेक वर्षांपासून प्रलंबित असलेल्या राजूरातील मूलभूत प्रश्नांवर तोडगा काढण्याचे ठोस धोरण घेऊन ते निवडणुकीत उतरले असल्याने शहरात बदलाची नवी हवा जाणवत आहे.

        राजूरातील नागरिकांचे सर्वांत ज्वलंत प्रश्न म्हणजे वाढलेला मालमत्ता कर. हा कर पुन्हा परवडणारा, नियंत्रित आणि नागरिकाभिमुख करण्याचे आश्वासन आदित्य भाके देत आहेत. चुनाभट्टी वॉर्डातील घरपट्ट्यांचे प्रलंबित प्रश्न, साईनगर, नदी मोहल्ला, भडखांब आणि इतर वार्डात पावसाळ्यात घरात घुसणारे पाणी, यासारखे प्रश्न सोडविण्यासाठी ते स्वतंत्र कृती आराखडा तयार करीत आहेत.

        नगर परिषदेमध्ये स्थानिकांना प्राधान्य देऊन रोजगार निर्मिती करणे हा त्यांच्या प्रचारातील महत्त्वाचा मुद्दा आहे. अनेक वॉर्डात आजही पक्क्या रस्त्यांची अवस्था बिकट आहे. या रस्त्यांचे काम प्राधान्याने करण्यात येणार असून पिण्याच्या पाण्याची मुबलक उपलब्धता आणि स्वच्छता व्यवस्थेत सुधारणा करण्यावर ते भर देणार असल्याचे सांगत आहेत.

        याशिवाय तालुक्यातील विविध गावांतील नागरिक, महिला, शाळकरी मुली, तसेच स्थानिक व्यापारी बांधव यांच्या सोयीसाठी पंचायत समिती, नाका क्रमांक तीन जवळ आणि गडचांदूर मार्गावर आधुनिक स्वच्छतागृह उभारण्याचे आश्वासनही आदित्य भाके यांनी दिले आहे. त्यांच्या या सर्वंकष विकास आराखड्यामुळे त्यांना लोकांची पहिली पसंती मिळत असून जनमताचा कौल त्यांच्या दिशेने झुकताना दिसत आहे.

        दरम्यान, राजुरा नगर परिषद निवडणूक २०२५ साठी राष्ट्रवादी काँग्रेस पार्टी अजित पवार गटाकडून नगराध्यक्ष पदाकरिता उमेदवार आदित्य भाके यांनी शक्तीप्रदर्शन करीत अर्ज दाखल केला आहे. त्यांच्या सोबत नगरसेवक पदाकरिता दहा उमेदवारांनीही अर्ज दाखल केल्याने निवडणुकीचे वातावरण चांगलेच तापले आहे. यात प्रभाग क्रमांक १ करिता रुपेश धोटे, प्रभाग क्रमांक २ करिता अमोल सदाशिव राऊत, मिना देविदास डांगे, प्रभाग क्रमांक ३ करिता गजानन भटारकर, प्रभाग क्रमांक ५ करिता गजाला शेख, प्रभाग क्रमांक ६ करिता साधना विजय भाके, प्रभाग क्रमांक ७ करिता अजीज इस्माईल शेख, प्रभाग क्रमांक ८ करिता रतन रुमदेव काटोले आणि प्रभाग क्रमांक १० करिता मेघा अक्षय गंपावार यांनी अर्ज दाखल केला आहे.

        राष्ट्रवादी काँग्रेस पार्टी अजित पवार गटाने चांगले उमेदवार दिल्याने राजुरा शहरात आणि प्रभागात अटीतटीची, थरारक आणि बहुकोनी लढत होणार असल्याचे आता स्पष्ट झाले आहे. आदित्य भाके यांच्या प्रचार मोहीमेने शहरात चर्चा तापल्या असून त्यांना मिळत असलेल्या वाढत्या लोकसमर्थनामुळे राजुरा राजकारणात मोठी उलथापालथ होणार का याकडे सर्वांचे लक्ष लागले आहे. 

#RajuraElection2025 #AdityaBhake #NCPAjitPawarGroup #RajuraVotes #MunicipalElection #PublicSupport #DevelopmentForRajura #PoliticalNews #WardCampaign #NCPStrength #chandrapurnews #chandrapurcity #chandrapur #aamchavidarbha #vidarbha

Advertisement

टिप्पणी पोस्ट करा

Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.

 
Top