राजुराच्या शिवाजी महाविद्यालयाला मिळाले तीन मेरिटस्थानांचे यशमुकुट

शिस्त, मेहनतीच्या जोरावर विद्यार्थिनींचे विद्यापीठात यशस्वी यश

आमचा विदर्भ - दीपक शर्मा

राजुरा (दि. ०६ ऑक्टोबर २०२५) -

        आदर्श शिक्षण प्रसारक मंडळ राजुरा संचालित श्री शिवाजी कला, वाणिज्य आणि विज्ञान महाविद्यालय येथील विद्यार्थिनींनी यंदाच्या गोंडवाना विद्यापीठ गडचिरोलीच्या पदवी व पदव्युत्तर परीक्षेत उल्लेखनीय यश संपादन केले असून, महाविद्यालयाचे नाव उज्ज्वल केले आहे.

        अलिकडेच जाहीर झालेल्या निकालात बी.कॉम अंतिम वर्षातील विद्यार्थिनी प्रिती आसुटकर हिने विद्यापीठाच्या आठव्या क्रमांकावर स्थान मिळवले. तसेच एम.कॉम अंतिम वर्षातील विद्यार्थिनी कोमल साळवे हिनेही आठवी मेरिट पटकावली. याच महाविद्यालयातील बी.एस्सी अंतिम वर्षाची विद्यार्थिनी सुहाना शेख हिने तिसरी मेरिट मिळवून सर्वांचे लक्ष वेधून घेतले.

        या तीनही गुणवंत विद्यार्थिनींचा महाविद्यालयात शाल व श्रीफळ देऊन सत्कार करण्यात आला. यावेळी संस्थेचे सचिव अविनाश जाधव, कोषाध्यक्ष साजिद बियाबानी, प्राचार्य एस. एम. वारकड, उपप्राचार्य राजेश खेराणी, वाणिज्य विभाग प्रमुख प्रा. शुभम बोर्डेवार, तसेच प्रा. जया मेहेर, प्रा. संतोषी सरकार आणि प्रा. शुभम बोबाटे उपस्थित होते.

        प्राचार्य एस.एम. वारकड यांनी विद्यार्थिनींच्या यशाचे कौतुक करताना सांगितले की, “शिस्त, सातत्य आणि अभ्यासातील प्रामाणिकपणा हे यशाचे खरे गमक आहे. आमच्या विद्यार्थिनींनी हे दाखवून दिले आहे.” यावेळी उपस्थित मान्यवरांनी विद्यार्थिनींचे अभिनंदन करत उज्ज्वल भविष्यासाठी शुभेच्छा दिल्या.

#RajuraNews #EducationExcellence #GondwanaUniversity #ShivajiCollegeRajura #MeritStudents #GirlPower #AcademicSuccess #VidarbhaNews #ChandrapurUpdates #InspiringStudents #aadarshshikshanprasarakmandal #ShriShivajiCollegeofArts,CommerceandScience #shivajicollagerajura #GondwanaUniversityGadchiroli #GondwanaUniversity #Gadchiroli #avinashjadhav #Principal #SMWarkad #sambhajiwarkad #chandrapurnews #chandrapurcity #chandrapur #aamchavidarbha #vidarbha