विधी महाविद्यालय परिसरात २७ वर्षीय युवकाची हत्या; अवघ्या तासाभरात सर्व आरोपी पकडले

गुन्हे शाखा आणि रामनगर पोलिसांची संयुक्त धडक; सहा आरोपी अटकेत

आमचा विदर्भ - दीपक शर्मा

चंद्रपूर (दि. २३ ऑकटोबर २०२५) -

        किरकोळ वादातून शहरातील विधी महाविद्यालय समोरील परिसरात २७ वर्षीय युवकाचा निर्घृण खून केल्याची धक्कादायक घटना २३ ऑक्टोबर २०२५ रोजी घडली. मृत युवकाचे नाव नितेश वासुदेव ठाकरे वय २७ वर्ष, रा. वार्ड क्र.१, बेताळ चौक, दुर्गापूर असे आहे. घटनेची माहिती मिळताच पोलीस निरीक्षक अमोल काचोरे स्थानिक गुन्हे शाखा, चंद्रपूर व पोलीस निरीक्षक आसिफराजा शेख पोस्टे रामनगर हे आपल्या पथकासह घटनास्थळी दाखल झाले. परिसरात सर्वेक्षण करून आरोपींचा शोध घेण्यासाठी स्थानिक गुन्हे शाखा आणि रामनगर पोलीस ठाण्याच्या स्वतंत्र पथकांची तत्काळ निर्मिती करण्यात आली.

अवघ्या एका तासाच्या आत आरोपी गजाआड सदर

        गुन्ह्यात खालील आरोपींनी किरकोळ वादातून एकत्रितपणे हल्ला केल्याचे प्रथमदर्शनी निष्पन्न झाले. करण गोपाल मेश्राम वय २२ वर्ष, रा. भिमनगर वार्ड क्र.४ दुर्गापूर, यश छोटेलाल राऊत वय १९ वर्ष, रा. भिमनगर वार्ड क्र.४ दुर्गापूर, अनिल रामेश्वर बोंडे वय २२ वर्ष, रा. समता नगर दुर्गापूर, प्रतिक माणिक मेश्राम वय २२ वर्ष, रा. वार्ड क्र.४ दुर्गापूर, तौसिक अजीज शेख वय २३ वर्ष, रा. फातेमा मस्जिद जवळ वार्ड क्र.३ दुर्गापूर, सुजीत जयकुमार गणविर वय २५ वर्ष, रा. भिमनगर वार्ड क्र.४ दुर्गापूर आरोपीना स्थानिक गुन्हे शाखा, चंद्रपूर व पोस्टे रामनगर येथील गुन्हे शाखा पथकाने अटक केली. या प्रकरणी पोलीस स्टेशन रामनगर येथे खुनाचा गुन्हा दाखल करून पुढील तपास सुरू आहे.

        ही कारवाई पोलीस अधीक्षक मुमक्का सुदर्शन, अपर पोलीस अधीक्षक ईश्वर कातकडे यांच्या मार्गदर्शनाखाली पार पडली. कारवाईचे नेतृत्व स्थानीय गुन्हे शाखेचे पोलीस निरीक्षक अमोल काचोरे, रामनगर पोलीस स्टेशनचे पोलीस निरीक्षक आसिफराजा शेख यांनी केले. तपास पथकात सहाय्यक पोलीस निरीक्षक देवराव नरोटे, दीपक कांक्रेडवार, बलराम झाडोकार, पोलीस उपनिरीक्षक विनोद भुरले, संतोष निंभोरकर, सर्वेश बेलसरे, सुनिल गौरकार, सहाय्यक फौजदार स्वामीदास चालेकर, पोलीस हवालदार सुभाष गोहोकार, इम्रान खान, नितीन साळवे, रजनीकांत पुठ्ठावार, दीपक डोंगरे, अजय बागेसर, प्रमोद डंबारे, पोलीस अंमलदार हिरालाल गुप्ता, शंशाक बदामवार, शेखर माधनकर आदींनी कारवाई केली. 

#ChandrapurCrime #MurderCase #NiteshThakare #PoliceAction #RamNagarPolice #CrimeInvestigation #LocalCrimeBranch #JusticeServed #CrimeNews #BreakingNews #BreakingNews #chandrapurnews #chandrapurcity #chandrapur #aamchavidarbha #vidarbha