कुपोषण मुक्त चळवळीतील कार्याबद्दल अमित महाजनवार सन्मानित

हंसराज अहिर यांच्या हस्ते मान्यवरांचा गौरव

सुदर्शन निमकर वाढदिवसानिमित्त समाजसेवकांचा सन्मान

आमचा विदर्भ - अनंता गोखरे

राजूरा (दि. ०८ सप्टेंबर २०२५) -

        माजी आमदार तथा जिल्हा बँकेचे संचालक सुदर्शन निमकर यांच्या वाढदिवसाच्या निमित्ताने सुदर्शन निमकर मित्र परिवाराच्या वतीने (५ सप्टेंबर) विविध क्षेत्रात उल्लेखनीय कार्य करणाऱ्या मान्यवरांचा सत्कार करण्यात आला.

        कुपोषण मुक्त चळवळीतील उत्कृष्ट कार्याबद्दल बाळू संस्थेचे संस्थापक अध्यक्ष तथा सिंदेवाही पंचायत समितीचे विस्तार अधिकारी अमित महाजनवार, रा. राजूरा यांना कुपोषण मुक्त चळवळीचा पुरस्कार देऊन गौरविण्यात आले. हा पुरस्कार राष्ट्रीय मागासवर्ग आयोगाचे अध्यक्ष हंसराज अहिर यांच्या हस्ते प्रदान करण्यात आला.

        या सोहळ्याला माजी आमदार अँड. संजय धोटे, जिल्हा मध्यवर्ती सहकारी बँकेचे अध्यक्ष रवींद्र शिंदे, जिल्हा बँकेचे संचालक विजय बावणे यांसह मान्यवर उपस्थित होते. कार्यक्रमात सामाजिक, शैक्षणिक, आरोग्य व इतर क्षेत्रात कार्य करणाऱ्यांचा सुद्धा सत्कार करण्यात आला.

#RajuraNews #AwardCeremony #CommunityHeroes #SocialWork #NutritionFreeMission #HonourAndRespect #LeadershipInAction #hansrajahir #sudarshannimkar #advsanjaydhote #ravindrashinde #vijaybavane #DistrictCentralCooperativeBank #ExMLA #chandrapurnews #chandrapurcity #chandrapur #aamchavidarbha #vidarbha