मध्यरात्री धडक कारवाई: "१७ वाहने, ५३ जनावरे, २४ आरोपी ताब्यात १ कोटी ५२ लाखाचा मुद्देमाल जप्त''

मध्यरात्री धडक कारवाई: "१७ वाहने, ५३ जनावरे, २४ आरोपी ताब्यात १ कोटी ५२ लाखाचा मुद्देमाल जप्त''

"जाणिवेची जागृती – गोवंश वाचवण्यासाठी पोलिसांची रणधुमाळी"

आमचा विदर्भ - दीपक शर्मा

चंद्रपूर (दि. ०७ जुलै २०२५) -

        चंद्रपूर जिल्ह्यातील पोलीस स्टेशन टेकामांडवा हद्दीत (Local Crime Branch Chandrapur) स्थानिक गुन्हे शाखा चंद्रपूर यांच्या पथकांनी मध्यरात्री गोपनीय माहितीनुसार मोठी कारवाई करत ५३ गोवंशीय जनावरांची सुटका केली आहे. चिखली खुर्द वन तपासणी नाका महाराष्ट्र-तेलंगणा राज्य सीमेलगत १७ पिकअप वाहने अडवून, सदर जनावरांना कत्तलीकरिता नेले जात असल्याचे निष्पन्न झाले. या कारवाईत एकूण २४ आरोपींना ताब्यात घेण्यात आले असून, एकूण १ कोटी ५२ लाख ७५ हजार किंमतीचा माल जप्त करण्यात आला आहे.

जनावरांची अमानुष वाहतूक - कडक कारवाई

        तपासादरम्यान स्पष्ट झाले की, आरोपींनी बैल व गाईंसारख्या गोवंशीय जनावरांचे हात, पाय, तोंड बांधून, कोणतीही चारा-पाण्याची व्यवस्था न करता दाटीवाटीने व क्षमतेपेक्षा जास्त प्रमाणात वाहने भरली होती. ही जनावरे कत्तलीसाठी घेऊन जाण्यात येत होती. संबंधित प्रकरणात गंभीर स्वरूपाचे गुन्हे दाखल करण्यात आले असून अधिक तपास सुरू आहे.

        ताब्यात घेतलेले आरोपी सचिन नरोटे वय २५ वर्षे रा. धानोरा, जि. आदिलाबाद, कृष्णा सुरनर वय २५ वर्षे रा. हिरापुर ता. जिवती, अलीम लतिफ सैयद वय २२ वर्षे रा. भाईपठार ता. जिवती, नितीन नरोटे वय २८ वर्षे रा. येराव्हा ता. जिवती, माधव पेंदीलवार वय २९ वर्षे रा. टाटाकोहाड, ता. जिवती, दिगांबर संजे वय ४६ वर्षे रा. टेकामांडवा ता. जिवती, नंदकिशोर ऐतवाड वय-३५ वर्षे रा. टेकामांडवा ता. जिवती, देवराव तांबरे वय ३६ वर्षे रा. टेकामांडवा ता. जिवती, गोवर्धन चव्हाण वय ३२ वर्षे रा. धोंडाअर्जुनी ता. जिवती, विनोद राठोड वय ३० वर्षे रा. सिंगनडोह ता. जिवती, दिपक नरोटे वय-२० वर्षे रा. टेकामांडवा ता. जिवती, अभिषेक पवार वय २१ वर्षे रा. पेदासापुर ता. जिवती, माधव पवार वय-३६ वर्षे रा. धोंडार्जुनी ता. जिवती, उत्तम राठोड वय ६० वर्षे, रा. सारंगापुर ता. जिवती, गोविंद पोले वय ३२ वर्षे रा. हिरापुर ता. जिवती, अशोक धुळगुंडे वय २४ वर्षे रा. हिरापुर ता. जिवती, विठ्ठल मामिडवाड वय २५ वर्षे रा. चिखली खुर्द ता. जिवती, विनायक तवाड वय ३७ वर्षे रा. टेकामांडवा ता. जिवती, दानिश रसुल शेख वय २६ वर्षे रा. आंबेझरी ता. जिवती, संतोष थोरात वय ३८ वर्षे रा. डोंगरगाव ता. जिवती, अझहर साबिर शेख वय ३० वर्षे रा. डोंगरगाव ता. जिवती, प्रविण जाधव वय ३२ वर्षे रा. पेदासापुर ता. जिवती, अंकुश नरोटे वय ३२ वर्षे रा. टेकामांडवा ता. जिवती, परमेश्वर नरोटे वय २५ वर्षे रा. टेकामांडवा ता. जिवती, इंदल पवार वय २५ वर्षे रा. पेदासापुर ता. जिवती, यांनी त्यांचे ताब्यातील वाहनात बैल गोवंश यांचे हात, पाय, तोंड बाघुन चारा पाण्याची व्यवस्था न करता वाहनाच्या डाल्यात क्षमतेपेक्षा जास्त प्रमाणात गाई-बैल (गोवंश) यांना आखुड दोराने कचकचुन दाटीने भरून नेट असताना ताब्यात घेतले. 

        सदरची कारवाई पोलीस अधीक्षक मुम्मका सुदर्शन, अपर पोलीस अधीक्षक ईश्वर कातकडे, स्थानिक गुन्हे शाखा पोलीस निरीक्षक अमोल काचोरे यांच्या मार्गदर्शनात सहाय्यक पोलीस निरीक्षक दिपक कॉक्रेडवार, बलराम झाडोकर, पोलीस उपनिरीक्षक संतोष निंभोरकर, सर्वेश बेलसरे, जगन्नाथ मडावी, स्वामीदास चालेकर, किशोर वैरागडे, अजय बागेसर, संतोष येलपुलवार, नितीन रायपुरे, चेतन गज्जलवार, जयसिंह, सुरेंद्र महंतो, गणेश मोहुर्ले, प्रमोद कोटनाके, नितेश महात्मे, मिलिंद जांभुळे, गणेश भोयर, गोपीनाथ नरोटे, शेखर माथनकर, प्रफुल्ल गारघाटे, प्रदीप मडावी, रविंद्र पंधरे, राहुल बनकर, सुजर अवथरे व चालक मिलिंद टेकाम यांच्या चमूने केली.