बल्लारपूर शहर काँग्रेस अध्यक्ष देवेंद्र आर्य यांचा पूज्य सिंधी सेवा समितीच्या वतीने सत्कार
आमचा विदर्भ - राजेश अरोरा
बल्लारपूर (दि. १२ जुलै २०२५) –
नुकतेच बल्लारपूर शहर काँग्रेस कमिटीचे अध्यक्षपद मिळाल्याबद्दल देवेंद्र आर्य यांचा पूज्य सिंधी सेवा समितीच्या वतीने सन्मानपूर्वक सत्कार करण्यात आला. हा सत्कार समारंभ बल्लारपूर शहरातील सिंधी समाजाच्या गुरुद्वारा बस्ती विभागात मोठ्या उत्साहात पार पडला. कार्यक्रमात उपस्थित सर्व समाजबंधूंनी देवेंद्र आर्य यांना साल व पुष्पगुच्छ देऊन त्यांचा गौरव केला.
कार्यक्रमाला सिंधी समाजाचे प्रताप सेठ मूलचंदानी, बल्लारपूर बिजनेस असोसिएशनचे प्रणेते भगवानदास गिदवानी, माजी नगराध्यक्ष घनश्याम मूलचंदानी, गोविंद आहूजा, दिलीप मूलचंदानी, चंदू सेठ आसवानी, मोहन सेठ गिदवानी, सूरज लालवानी, पूनम मंगानी, राम मंगानी यांच्यासह अनेक सिंधी समाजबांधव मोठ्या संख्येने उपस्थित होते. कार्यक्रमात बोलताना समाजबांधवांनी देवेंद्र आर्य यांच्या निवडीचे स्वागत करत, त्यांच्याकडून बल्लारपूर शहरात सर्वसमावेशक विकास व सामाजिक सलोख्याचे वातावरण प्रस्थापित होईल, असा विश्वास व्यक्त करण्यात आला.
टिप्पणी पोस्ट करा
Thanks for your response, We will reply you soon, You haven't followed Aamcha Vidarbha yet, you follow Aamcha Vidarbha now.