बंटी उर्फ शुभम पिपरे यांच्या नेतृत्वात राजुरा युवासेना मजबूत होणार

बंटी उर्फ शुभम पिपरे यांच्या नेतृत्वात राजुरा युवासेना मजबूत होणार

शिवसेना म्हणजे फक्त राजकारण नव्हे, तर एक चळवळ आहे – नव्या जबाबदाऱ्या नव्या प्रेरणा

आमचा विदर्भ - दीपक शर्मा

राजुरा (दि. २२ जून २०२५) -

        शिवसेना (उद्धव बाळासाहेब ठाकरे) युवासेना चंद्रपूर जिल्ह्याच्या संघटनात्मक बांधणीला गती देताना, युवासेनेच्या पदांचा विस्तार करण्यात आला आहे. युवासेना प्रमुख माननीय आमदार श्री. आदित्य ठाकरे यांच्या आदेशानुसार, युवासेना सचिव माननीय आमदार वरूण सरदेसाई, कार्यकारिणी सदस्य मा. हर्षल दादा काकडे, पूर्व विदर्भ विभागीय सचिव मा. निलेश बेलखेडे आणि चंद्रपूर जिल्हा विस्तारक मा. संदीप रियाल पटेल यांच्या सूचनेनुसार व चंद्रपूर जिल्हाप्रमुख मा. विक्रांतभाऊ सहारे यांच्या नेतृत्वात बंटी उर्फ शुभम अरुण पिपरे यांची युवासेना राजुरा शहर अधिकारी पदावर नियुक्ती करण्यात आली आहे.

        या नियुक्तीनिमित्त युवासेना चंद्रपूर जिल्हा प्रमुख मा. विक्रांत सहारे आणि विस्तारक मा. संदीप रियाल पटेल यांनी बंटी उर्फ शुभम पिपरे यांना नियुक्तीपत्र प्रदान करत त्यांना पुढील कार्यासाठी शुभेच्छा दिल्या. या प्रसंगी युवासेना राजुरा विधानसभा उपजिल्हा प्रमुख कुणाल निळकंठ कुडे, तालुका प्रमुख बंटी मालेकर, तालुका चिटणीस प्रवीण पेटकर, कोरपना तालुका प्रमुख अंकुश वांढरे यांच्यासह अनेक युवासैनिक उपस्थित होते.