आर्ट ऑफ लिव्हिंग मार्गदर्शकांच्या उपस्थितीत प्रभावी योग सत्र

आर्ट ऑफ लिव्हिंग मार्गदर्शकांच्या उपस्थितीत प्रभावी योग सत्र

श्रीतेज प्रतिष्ठान व महात्मा गांधी विद्यालयाच्या संयुक्त विद्यमाने आरोग्यदायी उपक्रम

आमचा विदर्भ - दीपक शर्मा

गडचांदूर (दि. २२ जून २०२५) -

        स्थानिक श्रीतेज प्रतिष्ठान व महात्मा गांधी विद्यालय तथा उच्च माध्यमिक विद्यालय यांच्या संयुक्त विद्यमानाने आंतरराष्ट्रीय योग दिन २०२५ निमित्त एक भव्य योग कार्यक्रम उत्साहात संपन्न झाला. कार्यक्रमाची संपूर्ण आयोजन प्रक्रिया अत्यंत शिस्तबद्ध पद्धतीने पार पडली. विद्यार्थ्यांपासून ते स्थानिक नागरिकांपर्यंत सर्व योगप्रेमी या कार्यक्रमात सहभागी झाले होते. मुख्य मार्गदर्शक म्हणून आर्ट ऑफ लिव्हिंगचे डॉ. संजयजी आसुटकर, सौ. अंजली खेतान आणि श्री. मिलिंद गंपावार यांनी उपस्थितांना योगाचे शारीरिक, मानसिक व आध्यात्मिक लाभ पटवून दिले. त्यांनी प्रत्यक्ष योगासने, प्राणायाम आणि ध्यान सत्राचे प्रात्यक्षिक देऊन सर्व सहभागींचा सहभाग वाढवला. यावेळी युवा नेते निलेश ताजने प्रामुख्याने उपस्थित होते. 

या कार्यक्रमाचे तीन प्रमुख उद्दिष्ट होते :-

• शारीरिक आरोग्य सुदृढ करणे
• मानसिक व अंतःशांतीचा प्रसार
• समाजात एकतेचा संदेश देणे

        सकाळी लवकर सुरू झालेल्या या कार्यक्रमात श्रीतेज प्रतिष्ठानचे पदाधिकारी, स्थानिक नागरिक, विद्यार्थी, शिक्षकवृंद तसेच योगाभ्यासक मोठ्या संख्येने सहभागी झाले होते. कार्यक्रमाच्या शेवटी उपस्थित सर्वांना आरोग्यदायी, तणावमुक्त व समतोल जीवनाची शुभेच्छा देण्यात आल्या. श्रीतेज प्रतिष्ठान व व महात्मा गांधी विद्यालय तथा उच्च माध्यमिक विद्यालय द्वारे आयोजित या उपक्रमामुळे समाजात योगसाधनेचे महत्त्व पुन्हा एकदा अधोरेखित झाले असून, युवक व विद्यार्थ्यांमध्ये नवा उत्साह व सकारात्मक ऊर्जा निर्माण झाली आहे.