कत्तलीसाठी जनावरांची बेकायदेशीर वाहतूक थांबवली

कत्तलीसाठी जनावरांची बेकायदेशीर वाहतूक थांबवली

७२ गोवंशांसह सहा ट्रक जप्त; पोलिसांची धडक कारवाई

आमचा विदर्भ - दीपक शर्मा

चंद्रपूर (दि. २१ जून २०२५) -

        घुग्घुस-पडोली मार्गावर धानोरा टोल नाक्यावर चंद्रपूर पोलिसांनी मोठी कारवाई करत ६ आयशर ट्रकद्वारे कत्तलीसाठी बेकायदेशीररित्या वाहतूक होत असलेले ७२ गोवंश जनावरे जप्त केली. या प्रकरणात एकूण १८ आरोपींविरोधात गुन्हा दाखल करण्यात आला आहे.

        पोलिसांना मिळालेल्या माहितीच्या आधारे घुग्घुस रस्त्यावर नाकाबंदी करण्यात आली होती. सदर ट्रकांची तपासणी केली असता जनावरे निर्दयतेने पाय व तोंड बांधून क्षमतेपेक्षा अधिक प्रमाणात भरलेले आढळले. ट्रकचालकांनी जनावरांची खरेदी भंडारा व गोंदिया येथून केल्याच्या पावत्या सादर केल्या, मात्र त्यात सरकारी अधिकाऱ्यांच्या बनावट सह्या असल्याचे उघड झाले. या कारवाईत पोलिसांनी ६ आयशर ट्रक, १ पायलटिंग वाहन, एकूण किंमत १,७०,७०,०००/- चा मुद्देमाल जप्त करण्यात आला आहे. सदर गोवंश प्राणी छोटा नागपूर, प्यार फाउंडेशन, चंद्रपूर यांच्याकडे तात्पुरत्या काळजीसाठी देण्यात आले आहेत.

        सदरची कारवाई पोलीस अधीक्षक मा. मुम्मका सुदर्शन, अपर पोलीस अधीक्षक रिना जनबंधू मॅडम, पोलिस निरीक्षक अमोल काचोरे, सपोनि बलराम झाडोकार, स्थानिक गुन्हे शाखा आणि घुग्घुस पोलिसांचे पथक, तसेच पशुधन विकास अधिकारी, घुग्घुस.खालील अधिकाऱ्यांच्या नेतृत्वाखाली पार पडली. या गंभीर प्रकारामुळे अवैध कत्तलीसाठी वाहतूक करणाऱ्या टोळ्यांच्या विरोधात कठोर कारवाईचे संकेत पोलिसांनी दिले आहेत.